ياعذابي من عذابك ... لا غدى قربـي عـذاب=وياوجودي يوم قلبي ... ارتحـل عنـي وجـاك
اذكر اني قبل اشوفـك ... ماعرفـت الارتيـاب=لين ساقك لي نصيبي...وانشغـل فكـري معـاك
يا عبيرالورد قولي ...من هـو اللـي مـا يهـاب=وانتي اللي من عيونك... انطلـق سهـم الهـلاك
يااتفاق بلاتضـاد ... يايقيـن اضحـى سـراب=يا اساطيـر الخرافه...يالغـز مـن هـو هـواك
ياخصايل شعـرك اللي...فـي نعومتهـا يـذاب=يومها انفاسك غشتني...ماعشـق قلبـي سـواك
عجلي همـي طغابي...واسمحـي لـي بانسكـاب=لملميني فـي عيونـك ...واسكنينـي فـي ذراك
واحبسيني في خفوقك...لـو نهبتينـي نهـاب=واجمعينـي مـن شتاتي...وانثرينـي فـي سمـاك
واقسميني لو بغيتـي ...يـا خبيـره بالحسـاب=من تفاظل فـي تكامل...وحـده الناتـج غـلاك
يا هنيـال المرايـا... تعكـس الزيـن العجـاب=ويابخت ذيك الاسـاور... يـوم زانتهـا يـداك
والخواتم وش حلاها ...ضمت غضاض ٍ رطـاب=استقرت في كفوفك... واستثـارت فـي بهـاك
استخالت في يدينك...مـن ورودٍ فـي ذهـاب=لا تقولي وش دهاني...انتـي اللـي وش دهـاك؟
ايه با اوصف حسنك اللي... في هطوله كالسحاب=ايه اطوع قافي اللـي... استمـده مـن سنـاك
يا لطافه في نعومه .... يـا صراحـه باهتـذاب=يا براءات الطفولـه... يـا نهايـة مـن بـداك
انتي حتى لو خطيتـي... فـي جراهيـدٍ جـداب=تزهـر ورود الخزامى...تنتظـر لمسـة خطـاك
زينة ابياتي تعالـي... انتـي لـي ذخـر وزهـاب=وانتي اغلى امنياتي... كلـي مـن كلـي فـداك
يا عذابي من عذابك... لا غـدى قربـي عـذاب=ويا وجودي لو قصيدي... ما وفى غايـة رضـاك

يــاسعــود .....

ياعذاب عيون مختارك

كل يوم أشوف عشاقك تزيد

من يحبك يقبل الوضع الغريب

لايغار .. ويلزمه قلبٍ حديد

الله اللي حط بك سحرٍ رهيب

يفتن قلوب العذارى لو ماتريد

إنت مثل الشمس نارٍ للقريب

ترسل النور .. ودفاها للبعيد

ليتك لحالك بها الكون الرحيب

من بني آدم وأنا الحي الوحيد

	رااااااااااااااااااااااااااااااائعة كلمات مليئه بالاحساس والشوق تصف حب قوي للمحبوبه ومشاعر شفافه تنم عن انسان حساس تقديري احترامي القلب الحنون