في ذمتي ماطـاك يسـوي قبيلـه
وهامتك يالمحبوب تسـوي قبايـل
وفي ذمتي كل المواقـف بخيلـه
وشلون ماعلتك عـن كـل طايـل
وفي ذمتي شمس النهار وأسيلـه
منك خذو نور على الخـد سايـل
وفي ذمتي كل العيـون الكحيلـه
تكحل برمشك وانت راع الجمايل
وفي ذمتي كل القصايـد هزيلـه
وإلا ذكرت أسمك غدت بك جزايل
ان قلت أوصافك تـري مستحيلـه
أكيد أطباعـك وصوفـه جلايـل
وفي كل احوالك اشوفـك جميلـه
حتي الزعل له فيك ورد وخمايـل
تبي الصراحه انـت والله مثيلـه
ماينوجد بيـن العـرب والحمايـل
دانه نفيسه مترفـه فـي خميلـه
في متحف آياتٍ تفـوق الكمايـل
وتصدق ان البيض عبـلا وليلـه
منُك يغارو وهـم تحـت النثايـل
ومجنونها اللي قال ليلـي عليلـه
يم العـراق وقـال فيهـا المثايـل
لو كان شافك حطك انتـي بديلـه
ولاهمتـه ليلـي ولا قـول قايـل
ياصاحبي ساعات ليلـي طويلـه
في غيبتك و العمر كلـه ملايـل
وان خيروني بين شمس وظليلـه
اخترت شمسك والعطش والقوايل
بس انت قدر من يسـاوي قبيلـه
بماطاك وألا هامتـك عـن قبايـل

http://www.ksa-7be.com/up/up29/5573a40a3e.gif

حالي من حالــك ...


صح لسانك...وسلمت كلماتك

الرائعه البالغة الوصف...

سلم مدادك ..ساطعا لدمعه

ننتظر المزيد من تحف لاعدمناك



لكم مني كل الود

صح بدنك

اختي طيف

صح بدنك


اخوي عذاب