.............. لاجيت اسولف ضمني بين الاهداب
 

مرحبا وتحية عبقة ، قصيدة جديدة اتمنى تنال رضاكم ..
/

/

الحب باقي..والوفا بعد ما غاب 00=00من حب لو مره..بيعرف كلامي

ما يعرف الأشواق..نذلٍ وكذاب00=00الحب دنيا..من المعاني عظامي

لو شفت راعي الحب..والله قد ذاب00=00من زود همه..ساهرٍ ما ينامي

العمر جنه..والمحبه ترى باب00=00والسعد فالدنيا ..بلحظة سلامي

قالوا زمنا أنتهى فيه الأحباب00=00والحب ميّت وأندفن بالظلامي

هذي شريعة وقتنا دايم أغراب00=00حتى المشاعر عندهم فنعدامي

مسكين ياللي عايشْ بغير عرّاب00=00فيده قراب الما وهو دوم ضامي

حنا انولدنا بحب وبحب شيّاب00=00جيلٍ عرف قدر المحبه وسامي

فينا عقولٍ عارفه وطبع أعراب00=00ونغلي حبايبنا بسلم وخصامي

ما نرخص اللي حبنا لوهم أجناب00=00جيلٍ توارث هالوفا ألف عامي

الحب قبله..والوفا دوم محراب00=00واحنا دُعاته جيل والله عصامي

خلك مع اللي للوفا دوم طلاب00=00يسعدك بأفعاله وماهي كلامي

وإن كان ضنك فالعرب أنتهى وخاب00=00دوّر على قلبٍ يعيش بهيامي

لاجيت ضميانٍ بيرويك برضاب00=00مثل الشهد طعمه ويبري السقامي

دوّر على اللي للمعاليق نهاب00=00راعي الخفوق الغض غاية مرامي

صوته يطفي داخلي جمر شبّاب00=00وضحكه يذوّب مابقى من هيامي

الوقت معها ما أملّه ولو غاب00=00تضيق بي دنياي كني بزحامي

أنشد عن اللي لابسه من الحلا ثياب00=00طبعٍ حبيبْ..وفكرها بالتمامي

لاجيت اسولف ضمني بين الاهداب00=00ولا سلهمت عيني بصدره أنامي

ولا صابني همٍ تسابق ذا الاصحاب00=00وفي قربها جرحي سريع التئامي

خلت حياتي همها وماهي تهاب00=00قولٍ تردد من عديمي الذمامي

الوقت ما يكذب ..وفي الناس كذاب00=00ناسٍ تضيّع عمرها بالملامي

صح السااااااااانكـ ولا هنت

يعطيك العافيه على الكلماااات الرائعه

في انتظار جديدك

لك كل الود والتقدير..

يسلموووووووووووووووووووووووووووووووووو القلب الحنون على الكلماااات الرائعه

رد: .............. لاجيت اسولف ضمني بين الاهداب
 

رد: .............. لاجيت اسولف ضمني بين الاهداب
 

رد: .............. لاجيت اسولف ضمني بين الاهداب
 

رد: .............. لاجيت اسولف ضمني بين الاهداب