يابنت انا ماسرت في درب منقود=تجذبنى عروق الاصل و الشهامه
باب النذاله عندنا دوم مردود=و درب ٍ على غير الشرف ما نهامه
اشره على الطيب و من يبذل الجود=و يشره علي اهل الفخر و الزعامه
نفسي معذيها عن الحقد و الكود=و الطيب له بالقلب و الله شامه
يابنت انا جيتك عليل ٍ و مضهود=و النار في جوفي تقطع لجامه
احمل اسف و العذر يابنت ممدود=بأبيات شعر ٍ جاتكم به ندامه
يابنت يابنت الذي يدرك الفود=له منزل ٍ فوق السحاب و غمامه
فيك الوفاء يابنت دايم و موجود=و انا اشهد انه عالي ٍ بك مقامه
فيك الفخر فيك المعزه بلاحدود=فيك التواضع و اشهد انك و سامه
فيك الشموخ اللي كما زامى الطود=و حتى الشموخ انتى له اليوم هامه
فيك الشرف يابنت و ان قلت مولود=من عفتك و انتى غذيتى فطامه
و ان قلت انا عقب الذي صار ملهود=ماغير ابدل باليدين استلامه
اصفق الكفين و الجسم مرعود=و الهم شدد في خفوقي حزامه
فينى تعاسه مالها حد و بنود=تحكم ضوابطها و زايد عتامه
فينى صغير ٍ ماعرف فرح وسعود=يتيم و دموعه تهامل غمامه
فينى كبير ٍ من عنا الوقت منكود=جور الزمان احرق فؤاده وضامه
فينى شجاعٍ هالكٍ صار مفقود=و فينى طريح ٍ يرتجى للسلامه
فينى وصل فينى موده و مودود=فينى جفاء فينى عقاب و حمامه
يابنت ياللي فاح في حرفك العود=جاك العذر بالبيت يحمل ندامه
و من تاب كنه ماله ذنوب مالود=يغفر له المولى و يحسن ختامه