منتدى دمعـــة ولـــه - 60 حابة تصبغي شعرك لحالك: تعالي هني طريقتي بصبغ شعري لحالي + عناية ماب

هلا هلا بالعرايس القمرات
عضوات و زايرات

مثل ما يقول العنوان ، هوريكم اليوم كيف اصبغ شعري لحالي و لاني حابة الطريقة ، فبشاركها معاكم بالتفصيل .

ندري انه كثر الصبغ و التلوين تتعب الشعر ، بس مو هي سبب مشاكل الشعر .
عشان كذه و عشان نلاقي نتيجة الصبغة اللي تفرح القلب لازم نهتم بالشعر و بتغذيته ، و عناية و تغذية الشعر راح افرد له موضوع و بعد اخواتنا ما يقصرون بتجاربهم المفيدة .

الان نيجي للصبغ ، قبل ندخل بالخطوات ، عندي شوي نصايح عن الصبغات و عملية الصبغ نفسها :

- الصبغات الزينة لالوان البني و الاحمر : لوريال و كولبستون و باليت
- للالوان الافتح مثل الاشقر و النحاسي : غارنيه

- لان شعرنا غامق بطبعه فنستخدم صبغة فاتحة ذهبي او اشقر و بعدين اللون اللي اخترناه (و هذا اللي بنشوفه سوا بالموضوع)

- الصبغة تنعمل على شعر نظيف ، الافضل تغسلي شعرك قبلها بيوم .
- عشان تخافظي على اللون اول استحمامين بيكونو بدون شامبو ة بعدها الاستحمام يكون بشامبو مخصص للشعر الملون لمدة اربع اسابيع .

الان نيجي لطريقتي بالصبغ ،

- اخترت هاللون الاحمر : من شركة pallette و اسمه و درجته

مثل ما ذكرت فوق ، لان شعرنا غامق و لاجل نطلع اللون اللي نبغاه نصبغ قبل بصبغة لونها فاتح ، و هذه الخطوة الاولى :

استخدمت صبغة غارنيه لون اشقر فاتح ذهبي درجته 9.3

و صبغت باللخطوات اللي هذكرها الان ،

خطوات الصبغ او التلوين:

- نقسم الشعر اقسام و نفرقها عن بعض

- طبعا نغطي الاكتاف و الرقبة بمنشفة قديمة او غامقة ، و نحط فازلين علة الجبين و اطراف الوجه

- نبدأ الصبغ ، بتلوين اقسام الشعر او الخصلات على واحدة واحدة هكذا

- نغلفها بالقصدير و نتركها مدة بين 30 الى 45 دقيقة و بعدين نغسلها .

هذا اللون الاول ، بعد نغسله و ننشف الشعر
نحط الصبغة اللي باللون اللي نبيه ، بنفس خطوات اللي فوق

طبعا نقرا الارشادات اللي بالعبوة عشان نعرف نمزج المكونات ، اللي هي عادة اللون + مظهر اللون + الكريم المغذي

بنخلي الصبغة عالشعر ما بين 30 و 45 دقيقة و بعدين نغسلها ، بدون شامبو بس بالكريم المغذي اللي يجي مع الصبغة .

خطوت الصبغة ، سهلة بس بتتعبي اول مرة او مرتين بس بعدين بتسويها بسهولة .

العناية لما بعد الصبغة سهلة بس ضرورية : اول شي شامبو مخصص للشعر المصبوغ و تلاقيه من غارنيه او لوريال ، اغسلي بيه اربعة اسابيغ و بعدها ممكن ترجعي للشامبو المعتاد

و بعدين كريم او زيت ينعش الشر بعد الصبغ مثل زيت غارنيه ـ تعملي منه حمام زيت

او مثل بوناويل : تستخدميه كحمام زيت مرة بالاسبوع

هالعناية مهمة عشان تحافظ على ترطيب الشعرة و رونقها و تحمي من التلف و الجفاف اللي ممكن تسببه الصبغة

و بس ، اتمنى اكون افدتكن بالطريقة و اذا في اي سوال او استفسار ، انا حاضرة

الموضوع جهد شخصي حصري فقط
الموضوع الأصلى