منتدى دمعـــة ولـــه - وصفه رمضانيه

السلام عليكم ورحمة الله وبركاته
أعزائي
أعضاء المنتدى
تعرفون رمضان عالابواب الله يبلغنا إياه بصحه وعافيه ويبلغنا صيامه وقيامه
عشان كذا حبيت أنقلكم طريقه صنفين من الاصناف المحببه لكل منا في هذا الشهر الكريم
أتمنى إنها تعجبكم
أولا : -

*** أصابع السنبوسه بالجبن الكيري ***

- المقادير :

عجينه سنبوسه

جبن كيري

فستق

قطر ( شيرة )

*****************
- الطريقه:

تاخذون صفيحه السنبوسه وتقصونها من الوسط متساوي

وتاخذون الجبن كيري

وتقطعون مكعبه الجبن شرائح نص سم

وتحطونها دااخل العجينه وتلفونها

على شكل رول

وتصمغونها بالبيض

وتقلونها بالزيت

وبعدها تصفونها بالمشخال لين ينزل الزيت

وبعدين تحطونها على ورق امتصاص الزيت

وتاخذون بصحن عميق شوي فيه قطر

وصحن ثاني فستق .

وتغطون اطراف الرول بالقطر وبعدها الفستق

وبالهناء والعافيه .

ثانيا : -

***اللقيمات***

- المقاديـــر:

1 م ص بيكنغ بودر

2 كاس من طحين لقمه القاضي

1 م ك خميره ( الخميرة اللي بلقمه القاضي )

1 فنجان سكر

بيضه

3 ملاعق كبار حليب نيدو ( ملاعق عاديه )

وماء للعجن

********************
- الطريقه :

تخلطون بخلاط الكيك

الخميره + البيضة + البيكنغ بودر + السكر +الحليب

تخلط لين تتجانس

وبعدها يضاف لها الطحين بالتدريج مع الماء

وتقريبا المويه كوب ونص

لين تصير مثل أمسك من خليط الكيك وألين من عجينه الفطاير

وخلوها تتخمر لمده ساعه .

اذا كان الجو صيف واذا كان شتاء ساعه ونصف

واقلوها بالزيت

وصفوها بالمشخال

وحطو صحن فيه شيره

وصحن ثاني فيه فستق

وغطو اللقيمات بالشيرة

وبعدها الفستق

تطلع لكم شي

وبلحظه تخلى الصحون

وبالعافيه على قلوبكم