http://www.dm3twlh.com/up/files/djbc...ww9pmgo43.jpeg


أوّل حاجة هنعملها النهارده هو ماسك تقشير وسنفرة للبشرة بمربى الفراولة والزبدة، والماسك ده ليه فوايد كتيرة للجسم؛ لأن الفراولة مفيدة جدا للبشرة، وبتعمل نضارة للجسم، وكمان السكر والليمون بينعّموا الجسم جدا، ده غير إن السكر بيعتبر مقشر آمن للبشرة، والقرنفل اللي هنضيفه هيساعد إن الماسك يبقى متماسك إلى حد ما؛ علشان نعرف نفرده على الجسم، وكمان بيدّي ريحة حلوة للجسم.

المكونات: 2 ملعقة مربى فراولة
ملعقة زبدة صغيرة
ذرة قرنفل أو قرفة

الطريقة:
سيّحي قطعة الزبدة على نار هادية، وبعدين ضيفي عليها المربى، وتكوني مقطّعاها قطع صغيرة، وسيّحيهم مع بعض على النار لمدة دقيقة.

ولما تيجي تستخدمي السكراب ده، لازم طبعا تغسلي جسمك في الأول، وطبعا هيتعرّض لكمية مناسبة من البخار، وبعد كده نشّفي جسمك، وافردي السكراب عليه بحركات دائرية.

والماسك ده بتسيبيه على الجسم لمدة 30 دقيقة، وبعد كده اشطفي جسمك بالميه بس، وهتلاقي جسمك بقى ناعم، ومش هيحتاج لزيوت أو كريمات.