منتدى دمعـــة ولـــه

تلعب على قلبي وأنا أحسبك وآفي

تقول أحبك والهوى ماعرفته .
. لاوآخسآره يوم قلت إعترآفي

بالله كفّر ذنبك اللي إقترفته .
. عشمتني بالحب وإحساس دآفي

ولحن الغرام اللي بهمسك عزفته .
. ماقلت لي عن نيّتك بالتجآفي

وإن المحبّه شيك بيدك صرفته .
. وطيت بأقدآمك على الشوك حآفي

والمشكله من قبل تآطاه شفته .
. والحب ماهو مجلسٍ للخفآفي

إذا شبعت من المحآديث عفته .
. الحب جنّه للقلوب النظآفي

لو جيت أبوصف جوّها ماوصفته .
. لكنّها دايم ربيع وعوافي

والورد مايذبل بها لو قطفته .
. ومزونها إلا أمطرت كل صآفي

قراحها يروي دهر لارشفته .
. ماودي أسترسل وأجيب الخوافي

وأقول شيءٍ بالهوى ماكشفته .
. لكن بما إنك عن الحب غآفي

واللعب مع طول الزمآن إحترفته .
. يجيك يومٍ فيه يسفآك سآفي

ماينفعك به دمعك اللي ذرفته .
. إفهم كلامي دآم جآك بقوآفي

ولولاك غالي ماعنيت وعسفته .
. المغترب ماعوّضته المنآفي

إن كآن ماحصّل من الدآر لفته .
. والشوك وإن دسته بالأقدآم حآفي

عجّل ولملم دمّك اللي نزفته .
. وإن جآك من شرع المحبين لافي

كرر معه ذنبٍ قديم إقترفته .

منقول