منتدى دمعـــة ولـــه - قصـة طبيب اتخـدر

http://up.arab-x.com/Oct10/5ii93432.gif

يانـاس شفت القمر و القمر من وصفها يفخر
.......وطلّـة القمـر تزرع الفـرحه وتجني حصاده

بحـاول أوصـف لكم وأعبر بس ماراح أقدر
...... أصلاً مـا يزيـد فيـها المديـح ولا الاشاده

بـحكـي لكم قصـةٍ غريبه عن طبيب اتخدر
......طبـيب شاطـر بس عيـبه ثقته بنفسه زياده

لـين طـاح و الكل صار يتشمّت فيه ويسخر
.....واذا طاح العـزيـز ظهـروا نقاده و حساده

التقـى فيهـا وكان أول لقا قبل ثلاث أشهر
.....في الـدور الثـانـي على باب ذيك العياده

ضِحكـت له و ضحكتها ياناس تبهر و تسحر
........واتـقـربت منـه تبي تكسب رضاه ووداده

و هـو واقف وكأنـه واحد واقف في معسكر
.....وقفـة ذاك العسكري بين الضبـاط و القاده

يـهلّـل ويـكبّـر و يحاول يستوعب المنظر
....يتأمّـل فيها و التأمّـل فـي خـلقـه عباده

سبحانـه الخالق سبحانـه اللـي فطر و صوّر
....رزانـه وهيـبه مثـل هيـبة الملوك والساده

سـألـتـه و من سـؤالها ضاع جوابه وتبعثر
......كأنّـه طالب كسول خايف من عصا أستاذه

صوتـها كأنـّه مخـدّر أوكـاس منه يسكر
... ردعليـها بس مااستفادت منه أي استفاده

وقتهـا كـان كلامه غريب وملخبط ومكسر
......وكأن لسـانه سهـم منهار وطيّح اقتصاده

ارتبـك مـن لـمسة يدّها وحتـى حاله تغير
........وضاع بين السـؤال وبين عطرهاورذاذه

صار هو المريـض وصارت تقولّه عسى ماشر
....وقالت له تعال وارتاح على هذي الوساده

وراحت و قالت عـن اذنك يا دكتور يا أسمر
.....وتركتـه لظـلام اللـيـل هايـم في سواده

مـدري شـصـار في كيانـه ليه تغير وتأثر
.....وين العزيمه اللي فيه وين قـوةالاراده

ويـن الجبـل اللـي مايهـزه ريح و مايدمر
.....وين الثقيل اللي مايميل مـن قوّة عناده

ويـن اللـي وعـد قلبه من التعذيب يتحرر
.....وين اللي أعلن على الحب سكوته وحداده

كـل شـي فيـه تبخّـر مثل المطر لما يتبخر
.....حتى وعـده مـع قلبه نسى وقته وميعاده

يانـاس جـميـله وجـمالها فوق مانتصور
......حتى لون عينهـا وسحره مختلف عن العاده

لـو قـالت هـلا ينـقال فيها شعر ويتسطر
.....وينسمع صداها علـى مر الزمان ومداده

لـو زعلت يذبل الزهر و تضمر أوراق الشجر
......وبدمعها المجروح تبيد كل البشـراباده

لـو مـرت في مكان بعطـرها المكان يتعطر
......ومن شافها ينسى اسـمه وتاريخ ميلاده

يانـاس ماينـلام هـذي ملاك في صورة بشر
.....فيها شـي يهزالكيان ويلبّى للقلب مراده

أتـمنى تـجيـه مره ثانيه و تسأله و تؤمر
........أكيد انـه مجهز لهالمعركه كامل عتاده

ولــو تبـي يعلّمـها جراحه ماراح يقصر
.......حتى لو تبي يشرح لها عن النساوالولاده

لكنـها راحـت و ايش حيلة المضطر لو ينطر
.......حتى قلبه يشـتعل نار لين بيّن رماده

وهـذا أول لقـا وشكلـه الأخير الله يستر
.......كأنه حلم عاشـه في منـامه بكل أبعاده

وحسبـي الخالق عـليها و على الحظ الأغبر
........ولكل جـوادكبوةٍ وحـده مالها اعاده

وهـذي هـي قصتـي أنـا اللي تخدر وتعثر
.......وهـذا هـو عيـبي أضيع في الجمال وبلاده