منتدى دمعـــة ولـــه - أضحك وأداري؛؛؛؛

أضحك وأداري عباد الله وأجاملها
والله على نعمة الكتمان قايدني

دورت بالخلق ضايعها وعاقلها
ولالقيت اللي لا من ضعت يرشدني

حتى اللي بديته من الناس بأكملها
راح وغدربي ولاكنه معاهدني

مافيه أحد يحفظ العشره ويبجلها
هذي الحقيقه وشكي مايراودني

إن مت كلن نسى ذكراي وأهملها
وإن رحت محدن من العالم بـ فاقدني

عزاه ياضيقه بالصدر شايلها
وين اللي يبكي علي؟؟.. وأن طحت يسندنس..

لا جيت أقرب لخلاني وأواصلها
لقيت حتى طريق القرب يبعدني

يااللي جروحك عرفت شلون اعاملها
أنا تعودت,, لا داعي تعودني

يـا أول سنيني وآخرها وأجملها
الله معك ومعي ,, وأبيك توعدني..

لا جات ذكراي في بالك تأملها
شفت وش كثر كنت بالتعذيب تجهدني

ليتك مثل ماتخيلها تخيلها
وتعرف الأحــــــــــزان يااللي كنت مسعدني

اليوم سلم على الصوره وقابلها
ماعاد فيني شعور لك يجودني

والله مدري أنا من وين أحصلها ؟؟؟!!
من ضيم الأيــــــام أو حظ معاندني

جتك الرساله وأنا ماكنت أبرسلها
لكن هذي علومي يوم تنشدني

جتك الرساله وأنا ماكنت أبرسلها لكن هذي علومي يوم تنشدني...