منتدى دمعـــة ولـــه - ,’؛خوي الروح,’؛

منتدى دمعـــة ولـــه (https://www.dm3twlh.com/vb/index.php)

- الشعر وعذب الكلام- Poetry Section (https://www.dm3twlh.com/vb/forumdisplay.php?f=7)

- - ,’؛خوي الروح,’؛ (https://www.dm3twlh.com/vb/showthread.php?t=1941)

,’؛خوي الروح,’؛

هو منيت القلب ومن اول ومن تالي******في ذمتي غير حبـــه ماتمنيـــتــــه
حبه ملكني وصار الحاكم الوالـــي******واللي يريده كحيل العين سويتــــه
ولاغاب عني يبعثر صافي احوالي******واقول ياوقت عني وين وديتــــــه
والله مااذكر دقيقه غاب عن بالـي******من زود حبي خوي الروح سميــــته
بنيت له وسط قلبي منزل عالــــي******واسمه بدمي على الجدران خطيتـــه
يشرب غرامي من الشريان طوالي******والياانجرح من صروف الوقت داويته
يسكن لحاله واشوفه دايم اقبالي*****يامر وينهى وكنـــه ما تــرك بيتـــــه

وسلامتكم""""""

غلا الروح

لاهنت يالغلا

ويعطيك العافيه ع الابيات الرايعه

كروعت حظورك

لاتحرمنا جديدك

ولك كل ودي

وكن بخير

صح لســـانك شاعر المنتدى .. ..

اسمحلي القبك شاعر للمنتدى .. ..

قصايدك غايه في الروعه .. ..

ننتظر مزيدك .. .. تقيل سلامي.. ..

نيت له وسط قلبي منزل عالــــي******واسمه بدمي على الجدران خطيتـــه
يشرب غرامي من الشريان طوالي******والياانجرح من صروف الوقت داويته

أبداع أبداع أبداع ........

يعطيك العافية على الأبيات الأكثر من رائعه

والله لايحرمنا من ابياتك الجميله

انتظر جديدك ........