أنحمـد الله بديـن ربـي تعمـقـت
مخلص وتقوى الله في قلبي عظيمة
والشكـر لله مـن بعـد ماتوفقـت
امشي على دروب الوفا المستقيمـة
نية وامشيها علـى سايـر الوقـت
والوجـه واحـد والنوايـا سليمـة
ولا حب ابوق الناس لكنـى انبقـت
انبقـت والغـدرة لاهلهـا غنيمـة
ان شفتها توجع من الغرب شرقـت
اصـد عنهـا ولا التفـت للعديمـة
وان جات من غشيم صافحت واعتقت
تركتهـا وفالعيـن مافيـه قيـمـه
وان جات من حشيم فيهـا تروقـت
سموح وادمـح والمكـارم حشيمـة
وان جات من فاسق وطاغي لها فقت
ادمر مقامه واحرقـه فـي هشيمـة
وتدرون عن اكبر مصيبة لها ذقـت
صحيـب يغدربـي ويظلـم ظليمـة
ومهما يجينى من الردى ما تحمقـت
العرف نومـاس العقـول الحكيمـة
وشفنا ماشفنا ومن بعـد ماتحققـت
تجيـك غلطـه ولا زلـه وخيـمـه
وانـا وفيـت وبالصداقـة تعلقـت
مقلب واكلته فـي زمانـى جريمـة
اما البخيل اللى لا شافـك تهايقـت
اللى لا شاف الضيف ذب الخريمـة
ياللى ما عمـرك للرياجيـل مرقـت
في الخلل والخوف تخسـر وليمـه
انت البخيل اللـى للامـوال حوقـت
فيك الردى وشاربك فيـه الهزيمـة
ليتك على عمـرك وحالـك ترفقـت
ولاجيت بين النـاس بحالـة اليمـة
يااللى على نفسك تذللـت واخفقـت
عز الحيـاة اللـى عليكـم سقيمـة
منته من اللى في الميادين سابقـت
عـز الاصايـل حكمهـا فالشكيمـه
ومن بعد ماشافت عيونـى توثقـت
نعطي وفـا ولا المخالـف قسيمـة
وانا الذي لاهل الشواهيـق عانقـت
اهل النقا والصيت واهـل العزيمـة
طبعـي نزيـه وللنزهـات حذقـت
وضح النقا دربي ونفسـي كريمـة
اعـز نفسـي وللمراجـل تنشقـت
من صغر سنى مااسرحت لى هليمـة
ابقا جبل ثابـت وجامـد ولا ضقـت
وابقا بسيف العـز وشـداد ريمـة
وختامهـا مااقـول والله توهـقـت
الذيـب ذيـب والبهيمـة بهيـمـة