|
مصافحه أولى (( هذي ثلاث أيام والقلب مقهور ))
السلام عليكم ورحمة الله وبركاته مساء الخير جميعا كل عام وانتم بخير وعيدكم مبارك مقدما وتقبل الله طاعتكم هذه قصيده من كتابتي اتمنى أن تحوز على رضاكم بلاه ياللي بخاطري دوم مذكور ................الله حسيبك ليه عني تبرا ماجاك مني شي ولا مني قصور ................وشلون تكفى ياعشيري تجرا ولو جاك مني تدمحه عشرة شهور ................الله يسامح يوم خلقه تعرا ولا ترى حنا بشر فينا عثور ................نخطي ولاكن بالسماح نتذرا ياصاحبي لو طلت بالصد معذور ................معذور لو طال الغثا واستمرا من عادتي اسمح ولو كنت مكسور ................ماأقدر اقول ارحل ولا أقول برا ياصاحبي صاحبك لو كان به جور ................خلا حلاتك تزدوج فيه مرا ياصاحبي صاحبك ماهو بمجبور ................لاكن يروف بصاحبه ويتدرا يدرى كلام اللي بهم نقلة الزور ................اللي امانيهم على الناس شرا واعرف ترى بأني على الحق والنور ................ولا طريقك ياصحيبي مغرا هذي ثلاث أيام والقلب مقهور ................وأونس على كبدي من البعد حرا أحيان اجر الصوت واطيح واثور ................واحيان صبري مايسليه جرا واحيان امد الليل والف وادور ................واحيان مالقى بمدته لي مفرا باقول وأشكي والصدر يكتم شعور ................ولالي مع الأيام غير اتحرا ........................... نايف سعد العنزي السبت 8/12/1429هـ |
نايف العنـــزي
عاشت الاياد كالمات جميلة تقبل لمستــــي |
نايف العنـــزي
وانت بخير وصحه كلمااات رائعه تسلم الايدين بنتظار جديدك الرائع تحياتي لك |
واعرف ترى بأني على الحق والنور ................ولا طريقك ياصحيبي مغرا هذي ثلاث أيام والقلب مقهور ................وأونس على كبدي من البعد حرا أحيان اجر الصوت واطيح واثور ................واحيان صبري مايسليه جرا مشاء الله عليك جزله يالجزل صح منطوقك مليوووون |
ياصاحبي لو طلت بالصد معذور ................معذور لو طال الغثا واستمرا صح لساانك قصيده جزله لاهنت يالغلا |
نايف العنزي
صح لسانك أخوي على القصيدة ولاهنت يالغآلي |
| الساعة الآن 06:17 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون