غلطان يا المقفي أنا مـا تتبعـت غيري يتابع خطوتـي مـا تبعتـه..
آسف أنا في حبي لـك تسرعـت ظنيت الاقـي فيـك شـيءٍ فقدتـه.. كنت أحسبك مجروح مثلي تولعـت جربت فرقى شخص قلبـك وهبتـه. كنت أحسبك من مر جرحك تجرعت حبيت فيك احساس طفـلٍ لمحتـه.. لوقلت آآآه بوسط روحي توجعـت ولو شفت دمعاتك شعوري سكبتـه.. ولو تطلب عيوني أبد ما تمنعـت وأعطيك قلبي لو بعد مـا طلبتـه.. وصلت بك ..... أعلى مكان وتربعت وفي قلب غيري ياالغضي ماوصلته.. واصبر على صدك وأشوفك تدلعـت وأعطيك ود ومـا أظنـك حسبتـه.. اذهلتني بطباعك اللـي ...تطبعـت حتى قصيدي فيك أبد مـا فهمتـه. لو كان غاياتك حروفي فـأنا بعـت وافرح بجرح الشاعر اللي جرحتـه.. وأرجوك من صدك تراني تشبعـت خلك مع اللي عاجبـك أو عجبتـه.. يكفي قهر في جيتي لك تواضعـت تركت غيرك لجـل عينـك وبعتـه. ياليتني عـن حـب مثلك..ترفعـت ياليت قلبي قبـل أعرفـك دفنتـه.. لكن أببعد دامني بـك توهقـت الله يرحـم حبنـا اللـي ذبحـتـه.. أنا شريت الود والحين أنـا بعـت وأنا عطيتك قلبـي اللـي قهرتـه.. في يوم جيتك اطلبـك ود واقنعـت نفسي بأنك شخص عادي عرفته.. كمل حياتك مثل مـا أنـا توقعـت تبقى أسير الماضي اللـي فرضتـه.. ولا يحزنك إني غلطان وتراجعـت حولك بدالي ألف شخـصٍ عجبتـه.. أما أنا لا يمكن اخضـع ولا طعـت يحرم علي أعطيـك قلـبٍ خذلتـه.. بريّحك من شوفتي يـوم قاطعـت أسلوبك اللي بـه تجامـل كرهتـه.. غلطان يا المقفي أنا مـا تتبعـت غيري يتابع خطوتـي مـا تبعتـه.. ما ينحني راسي لو إنـي تقطعـت وما هو أنا من لا رميتـه لقطتـه.. وإن كان غرَك حكي عذالي وطعـت الله يعلـم كيـف قلبـي سكنـتـه.. اللي ملا قلبـك علـي وتسمعـت خله يعوض شخص مثلي خسرتـه.. أنـا بمـا فيـه الكفايـه تولعـت واللي بقى من قلب فينـي حرقتـه.. بأول لقا سلمته احساسي وضعـت غلطت حياتي يـوم قلبـي سلبتـه.. واستسمحك فالبعد كاني تراجعت ما عاد أبلقـى فيـك شـي فقدتـه.. طبعك مثل غيرك وطبعي كما كنـت أحب شخـص ولا تركته تركتـه.. وإن شفتني صدفة بعينك تطلعـت ذكرتني بإنسـان غالـي فقدتـه.. تحياتي لــكم .. |
رد: غلطان يا المقفي أنا مـا تتبعـت غيري يتابع خطوتـي مـا تبعتـه..
http://forum.khleeg.com/imgcache/2/133142khleeg.png يكفي قهر في جيتي لك تواضعـت تركت غيرك لجـل عينـك وبعتـه. ياليتني عـن حـب مثلك..ترفعـت ياليت قلبي قبـل أعرفـك دفنتـه.. لكن أببعد دامني بـك توهقـت الله يرحـم حبنـا اللـي ذبحـتـه.. أنا شريت الود والحين أنـا بعـت وأنا عطيتك قلبـي اللـي قهرتـه.. http://i151.photobucket.com/albums/s.../fantasy21.gif الله عليك بعض البشر ابدعت يسلموو ماننحرم من وجودك ومن قلمك الذي يفيض بي ابداع الإحساس |
رد: غلطان يا المقفي أنا مـا تتبعـت غيري يتابع خطوتـي مـا تبعتـه..
روعه روعه روعه
يثلمو بعض البشر تسلم الايادي تقبل طلتي ومروري |
رد: غلطان يا المقفي أنا مـا تتبعـت غيري يتابع خطوتـي مـا تبعتـه..
يسلمو ع المرور الهاشميه اند همس العيون تحياتي لـــكم |
الساعة الآن 05:22 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون