منتدى دمعـــة ولـــه - الكيوى للعنايه بالبشره والشعر , وصفات بالكيوى , العلاج بالفواكه

http://www.dm3twlh.com/up/files/xv5r...af263t5ozk.jpg
الكيوي ممكن نستخدمه كماسك للشعر وكمان لبشرة الوجه.

المقادير:
حبة كيوي
ملعقة صغيرة مية ورد
ملعقة صغيرة عسل أبيض

الطريقة:
- هنغسل الكيوي ونقشّره ونقطعه ونحطه في الخلاط مع مية الورد والعسل.

- الماسك ده ممكن نستخدمه للشعر الدهني والعادي، أما لو الشعر جاف فممكن نضيف له ملعقة زيت لوز أو زيت زيتون.

- هنغسل شعرنا ونحط الماسك على الشعر كله من الجذور لحد الأطراف، ونسيبه لمدة نصف ساعة أو ساعة إلا ربع، وبعدين نغسله تاني بالشامبو.

ماسك الكيوي للوجه
المقادير:
حبة كيوي
ملعقة عسل نحل

الطريقة:
هنقطع الكيوي قطع صغيرة ونهرسه ونضيف عليه العسل، ونخلطهم مع بعض كويس أوي.

هنحط الماسك على البشرة ونسيبه لمدة نصف ساعة وبعدين نشطفه، وممكن نكرره مرة أو مرتين في الأسبوع، هيدّي للبشرة نعومة ولمعان وتغذية.