منتدى دمعـــة ولـــه - قصيده مضحكه الشيبه والعجوز

الشيبه:
قلبي شباب ولازم اني اعرس...مابي العجوز اللي توسد على الباب

الخير وايد وماني مفلس...عندي فلوس تدعم البنك في حساااب

العجوووز:

ماباقي منك غير خشمك وهالضرس... تبغى تعرس وانت غادي شالغراب

قابل صلاتك الله يشفيك من المس..ولا ترى باطب ويهك بالترااااب

الشيبه:

انتي عيوز واكلك الروب والخس...اماا انا ماكل سوى تكه وكباب

مافيني سكر غير ضغطي نازل بس...دام الهوى فيني ترى كل شي طاااب

العجوووز:

لا بارك الله فيك يالشيبه يالنحس...ماتجيبك الرمسه ولا يجيبك اعتاب

قصر لي صوتك ماابي اسمع ولا حس...عطني طلاقي وانقلع وقبض الباب

الشيبه:

دومج نحيسه وذا لسانك يبيله قص... ربي ترى حلل لي اربع بالكتاب

هذا خميس الاعمى ياكم عرس...مرتاح بالدنيا بلا هم واعتاااب

العجوووز:

بطران وراسك كالصخر يابس وعص... مالوم طبعك يوم ربعك هالكلاااب

غادي شرا الاريل ودومك تتحيس... استح على ويهك اصلع ولعااااب

الشيبه:

فكيني من ويهج ترى مالي اي نفس... زهقان من شوفك وابقالي احباب

هذا طلاقج طالقه اربع وخمس... شلي طلاقج من ضميري بلا حسااب

العجوووز:

مشكور يالشيبه ومن دون اي دس... عندي حبيب ماابتعد لحظه وغاب

يشريك ويبيعك تراه باثمن وبخس... ماتسوى ظفره حلو اسمر وجذااب

الشيبه:

يالله قبل لا اموت منج وقتص... طلعتيلي قرنٍِ وراسي بعد شااااب

ياشينه البرقع ترى قدرج اختس... عجوز لج في الدنيا خلان واحباب؟!

العجوووز:

مثلك تراني وهذا لك في العمر درس... لاني اميز بين شيبه وشياااب

ولا نسيت اني على الموضه اللبس...ماعلموك اني بلا شيله وحجااااب :ph34r:
تحياتي
http://sharearabia.com/uploads/share...3166935571.png