|
من اروع ما كتب الشاعر
السلام عليكم جميعا
وشلونكم ان شالله بخير الشاعر حامد زيد مابقى الا سود الايام تحرمك الرقاد كيف الاوهام اتجرأ اتسريك مغبون من متى تجزع من الدمع وتخاف البعاد؟ من متى تقفي بك ظنون وتجيبك ظنون؟ صرت تاخذ كذبتي صدق، ومزاحي وكاد لو بقول اني بخونك تحسب اني بخون ماتعرف ان كل شاعر يهيم بكل واد؟ وانهم دايم يقولون مالا يفعلون؟ ابك انا لاقلت ابنساك وانكرت الوداد والله اني مانسيتك وولاهم يحزنون من جزع من صفعة الشمس يطمع بالبراد ومن فقد وجهاته الخمس يلقى بك ركون اعتبرها هفوة انسان او كبوة جواد لو بتسمح فانت غالي ولو تجرح تمون عد صداتك مروة وطعناتك ضماد خلهن لاراحن طعون ولا ردن طعون خنجرك يستاهل الطعن ومتوني شداد ومنك يازين الخناجر ويا بخت المتون ردلي حنية المزح باحساس الجماد خلنا واحد يجي صلب والثاني حنون موت فيني واندفن فيك بثياب الحداد وان حييت أموت لرضاك واحيا بك بهون مره ارقد بالكفن وانت ترقد بالمهاد ومرة ارقد بالمهد وانت ترقد بالكفون ادري ان شجونك شجون واعنادك عناد والبلا ان عنادك عناد وشجونك شجون ربك اللي سخرك لي تقود وما تقاد والله الخالق ولله في خلقه شؤون ازرع ضلوعي من رضاك وابشر بالحصاد لعنبو من جيت ترضيه وترد امحزون بس تسوالك بلد ؟ قول تسوالك بلاد انت كل العالم بكون ولحالك بكون مابعد محبتك حب ومرادك مراد غير كونك سيد حشاي تدري من تكون ؟ نعمتين اختصوا الخلق من جود الجود كافل الأرزاق من حيث مالا تعلمون البنون ونعمة المال بعيون العباد زينة الدنيا بلا شك في كل العيون مثل زينة دنيتي بس عندي شي زاد من عرفتك صاروا المال وانت والبنون انتشي بك نشوة التيه لعناق الرشاد وافزع الك فزعة القرم لشهاب الزبون واحصنك تحصين الأرزاق عن درب الفساد واعشقك عشق المظاليم لفراق السجون لو تزيد الشوق جمرة تحولني رماد لو يزيد العشق شعرة بوصل للجنون خل هقواتك كبيرة ونظراتك بعاد كانك انت بكبرك تهون من اللي ما يهون ؟ ازعلك وارهن حياتي تحت رحمة زناد تهبى لا والله الا انت والموت تهبون عاد اذا ما ارضاك هرجي ولا اللي قلت فاد اننا لله وانا اليه راجعون وانت باكر بتعرف على ناس جداد والكلام يجيك من كل شكل وكل لون لاتحسب ان كل كلمة بتسمعها وكاد ولا تصدق هرج شاعر وتخدعك الظنون دايم اعرف كل شاعر يهيم بكل واد وان هم دايم يقولون ما لا يفعلون حتى انا اللي قلت اعشقك وما اطيق البعاد يمكن اطلع ماعشقتك .. ولا هم يحزنون |
اخى : العراقي دايم اعرف كل شاعر يهيم بكل واد وان هم دايم يقولون ما لا يفعلون حتى انا اللي قلت اعشقك وما اطيق البعاد يمكن اطلع ماعشقتك .. ولا هم يحزنون صح لسانك ولاهنت يالغالى كلمات جميله ورائعه واحرف مبدعه ومبهره اشكرك على هذا النقل الرائع فى انتظار جديدك لك كل الاحترام والتقدير اخوك نايف |
أخي العراقي راقي بذوقك وإختيارك تسلم يمينك |
يا صاحب الـقلم الرائع
المتمكن بكتابـة الحروف وبعثرة المشاعر على الورق لعلي أغيب كثيرا عن صفحتك وحـروفك ولكن يأخذني الحنين اليكـ صح السانك اخي ولا هنت على ها النقل الرائع تقبل مروري |
العراقي يحييكم
وأهـــــــــــلا وسهـــــــــــلا بهذا الحظور المشرف والراقي واخجلتموني بكرم وطيب ردودكم لاخلا ولاعدم من تواصلكم وعساكم على القوه واتمنى لكم النجاح والتوفيق يارب لكم مني كل الود وكونو بخير ــ لأكون |
أخي العراقي
رااائع ذوق رااقي يعطيك الف عافية على النقل الرائع كل الود |
اخوي خالد
تسلم لي يالغالي وهذا من ذوقك ويارب يوفقك ولاهنت على مرورك الاروووووع |
والله اني مانسيتك وولاهم يحزنون
من جزع من صفعة الشمس يطمع بالبراد ومن فقد وجهاته الخمس يلقى بك ركون اعتبرها هفوة انسان او كبوة جواد لو بتسمح فانت غالي ولو تجرح تمون عد صداتك مروة وطعناتك ضماد خلهن لاراحن طعون ولا ردن طعون خنجرك يستاهل الطعن ومتوني شداد ومنك يازين الخناجر ويا بخت المتون حامد زيد ..شاااعر شاعر!!!! بل فنان فنان!!! حساس حسااس!! لااااكثر واكثر من كل هذا روووعه شكرا لك اخوي على هذا الاختيار الاكثر من رااائع |
والعفو
والشكر لك على المرور الرايع |
| الساعة الآن 05:47 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون