|
اخواني المشرفين ارجو الدخول للاهميه..
السلام عليكم ورحمة الله وبركاته اخواني المشرفين. اولا. اشكر اخي العراقي على تفاعله في المنتدى وتوجده الدائم ويستاهل وسام دمعة وله الذهبي والاخت انجال الغضب الحمد الله على سلامتك نورتي المنتدى وارجو منك التواجد والتفاعل في جميع الاقسام مثل كنت اول ثانيا ارجو من الجميع التواجد في المنتدى وياليت تشدو حيلكم في جميع الاقسم لانه في منتدى القصص والروايات و في بعض الاقسام الاخره مواضيع كثيره بدون ردود وارجو من الاخ مرجوج مشرف منتدى الفرفشة والضحك والكاريكاتير التواجد في المنتدى ويقوم بما كلف به او يقدم اعتذاره للاداره والاخت القصيده المراقبه العامه اروجو منها التواجد او تقدم اعتذارها للاداره واللذي يريد يقول شي او يسأل عن شي في اللذي حصل في المنتدى انا تحت امركم وتقبلوا مني كل الود والاحترام والتقدير اختكم دمعة وله |
عليكم السلام ورحمة الله
هلا والله اختي دمعة وله والله يعطيك العافيه ولاهنتي على التوجيهات اللي جت في وقتها ومشكوره على الوسام اللي افتخر واعتز فيه وهذا يعني لي الكثير!!! وكل كلامك في منتهى الصواب واوامرك مطاعه من طرفي بس حبيت اعرف بعد اذنكم اللي حاصل في المنتدى والاخ نايف وش اللي صاير له واتمنى من اخواني المشرفين التقيد بكلامك ولاودي نخسر ولا مشرف منهم لاننا نكمل لبعض وان شالله نكون عند ظن البعض واتمنى للجميع النجاح والتوفيق اخوكم : العراقي |
اخي العراقي. اشكرك على مرورك وكلمااااتك الرقيقه وانت تستاهل كل خير اخوي و نجال الغضب بعد والله ماتقصر شاده حيلها في المنتدى تستاهل وسام دمعة وله الذهبي اليوم انشاء الله راح احط وسام دمعة وله الذهبي عند اسمك انت اخي العراقي. وعند اسم انجال تستاهلو وتقبلو مني كل الحب والاحترام والتقدير.. بنسبه لسؤالك عن نايف اولاَ.. انت تعرف ان بعض الشباب في راسه شي وإذا ماحصل اللي يبيه راح يدور عليه في مكان ثاني. نايف طلب مني قبل مده لوحة التحكم الرئيسية حق المنتدى وانا طبعا رفضت اعطيه وهذا مو من حقه . واشياء اخره مافيه داعي اذكرها واخر شي طلب مني يترك المنتدى لانه عنده ظروف خاصه مايقدر يدخل النت. هذا اللي حصل هل انا على حق في اللي سويته ؟ انااشوف اللي سويته في مصلحة المنتدى هل انت معي في رايي او لا؟؟ |
السلام عليكم
عزيزتي دمعة وله صدقيني انا ماعرف اجامل وانتي طيبه وتحبين الخير للجميع وهذا شرف لي كوني والا احاول قدر المستطاع اني اقوم بواجب الاشراف على اكمل وجه>>>>>>>عاد نضامي تقول شايب هههههه واللي ودي اقول للجميع انهم يتفهمون ان كل واحد له طبع وله اسلوب متعود عليه ولازم تقدر كل واحد بعد ماتعرف طبع الشخص من الداخل واللي سويتيه معاك حق وكل الحق لانك انتي المسؤله هنا واخوي نايف انا من سجلت هنا وانا حبيت الرجال وعلى طول قعدت اتابع مواضيعه القديمه والجديده وعرفت انه رجال واصله ذهب والذهب مايصير نحاس ويحب يساعد الجميع ويقدم النصح ويحاول يبث الفرح لنا حتى لو انه في قمة الحزن وانا متأكد ان له غرض في طلبه اما لمصلحة عضو ولا المنتدى ولازم ناخذ ونعطي مع بعض سواء انت على غلط ولا صح وبعدين اخوي نايف ,,,,, خليه علي وانا بجيبه بالمراجل واذ زعلان وماخذ على خاطره يبشر بالحق ومايلحق ويبشر باللي يرضيه لمن يقولنا الاسباب وهذي ناقتي (جميلة) جابت بكره يبيني اهديه اياها وهو من الناس اللي يستاهل وانا ان شالله قول وفعل واسف على الاطاله بس بقولكم انا في الظهران طالع اجازة من امس وراحت على رحلة اليوم ومتفرغ استنا رحلتي بكرا اروح الديرة والسلام ختام والله يوفقكم ولاهنتي عزيزتي دمعة وله وانتي تمونين على الجميع دام ثقتنا فيك موجوده |
بسم الله الرحمن الرحيم السلام عليكم ورحمة الله وبركاته اختي الغاليه دمعه كيف الحال ان شاء الله بخير وصحه يارب اختي الله يسلمك من كل شر والمنتدى منور بوجودكم فيه انتي والجميع ثانيا ... اختي اعذرني في الرد المتأخر وانتي تعرفي الضروف بس الله يسهل الامور. اختي الغاليه اشكرك جزيل الشكر على ثقتك التامه فيني واتمنى ان اكون عند حسن ظنك انتي وجميع الاعضاء كما ارجو من الجميع ان يعذرني على التقصير وقلة الردود وهذا بسبب الظروف وضيق الوقت عندي لكني اتنمى الايام الي جايه تكون احسن وارضي الكل وارقي تحيه ابعثها مع نسمات الصبح العليل الى كل اعضاء ومشرفين دمعة وله |
السلام عليكم ورحمة الله وبركاته الأخ الغالي .. العراقي ,, الف الف مبروك على الوسام تستاهله وأنا أختك فالتميز هو أنت .. منك .. ولك الأخت الغالية .. أنجال الغضب ,, الف مبروك يالغلا .. فالتألق لن يكون إلا بوجودك وحضورك وأحمده تعالى على سلامتك إن شاء الله دوم بخير وعافيه اشتقت لكم حيييييييل ... اعذروني على إنقطاعي الأخت دمعه وله أشكركِ أختي الغاليه على إهتمامك وسؤالك عني وعن أسباب انقطاعي سأحاول بقدر استطاعتي التواجد ,, والعذر والسموحه منكم إن قصرت لكم مني أرق تحية معطرة |
عليكم السلام ورحمة الله
وهلا والله بالقصيدة ويارب يبارك في حياتك وتستاهلين العافيه واشكرك جزيل الشكر على حظورك اللي افتقدناه لاعدمناه وصدقيني ان انك عزيزه على قلوبنا كلنا في غيابك وفي حظورك اللي اتمناه انك تعودين لنا وانتي في اتم الصحه والعافيه واتمنى لك السعادة وين ماتكوني ولاجا منك الا كل زين والقصور بعيد عنك بس لاتطولين علينا ثم ناخذ عليه!!! واحب اقدم كلمة شكر بمناسبة رجوعك للأخت (دمعة وله) الأنسانه الرائعه وهي قليله في حقها لما تبذله من جهود في المنتدى ولتفانهيا لفعل الخير ولحبها لمساعدة الجميع بدون استثناء (((والله يوفق الجميع))) اخوكم ومحدثكم : العراقي |
| الساعة الآن 07:04 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون