|
مـع صـقـوعه خطـوهـ بخطـوهـ نحـو الـوسامه والوذافه وكل أبو شي زين!
مرحبا يامرحبا بالطش والرش
معليش العنوان طويل لكن المخرج عايز كيده تنويه انتشرت الحملات التوعويه على سطح الأرض ومن خلال الشبكة العنكبوتيه بشكل كبير في الأيام الاخيره مثل انتشار لوحات زين عالم جميل إنت الأزين في كل قرنه بالشارع .. على انتشار الحملات إلا ان تكريس حمله لتوعية الحريم من النادر مانشوفه وهذا مايجعل عدد الانتحاريات يزداد أكثر وأكثر ..! ومن هذا المنطلق راح ننطلق بحملة توعية خاصة بالحريم ومن نوع آخر برعايتنا ومعكم بس ياحلوين ،،،، بعض الحريم عندهن ( عقده ) من التلفزيون .. حتى لو ماكانت هذه العقدة موجودة .. ممكن تجيك هالعقده بعد العرس .. وهذا حاصل كثير .. خاصة لمّا تجلس المره مع رجلها في الصالة.. وتب تسولف معه لكن هو معطيها الخامس ..! فاتح على قناة الاخباريه .. ومسوي نفسه ( هامور وهو حامور أصلاً ) متابع الاسهم.. وهو بالحقيقه خااااق مع المذيعة ويقول في نفسه إيه هذا الزين مهوب الخشبه اللي جنبي ..! <- من زينك انت وذبّتك عاد وإحنا نقول..اقسم بالله انتس جميلة وكيوت بس ترفقي بحالتس يا اختاه ، لاتطمسي مواطن الجمال لتتحولي من ( فتاة ) الى ( عصاة مكنسة متحركة ) نعنبوتس فشلتينا بين العربان ترى الدعوى مهيب تسذا . سيّدتي.. بهالموضوع راح نقدّم لك كل النصايح الخاصه بجمالك "المخفي " نعم المخفي ..! لاتوجد إمراه على سطح الارض قبيحه ..!كُل ماعليك سيدتي تطبيق هذه النصايح ومننا نبصم لك إنك راح تكونين أطلق من لميص وبليسا . إذن إليكن بعض النصايح الفريده من نوعها <-- الفضاوه لعبت بحسبتنا (1) وإنتِ في البيت توتس قايمه من النوم : محد يقدر يتوقع وش بيكون وضعه إذا قام من النوم من حيث ( الكشة ، السعبوله ، تنفخ العيون ولاتهون الأخلاق ) .. لا تخافي حواء بل بادري وبسرعه ( اي اطمري ) إلى اقرب مراية وهبطي كشتس .. نعم لبديها ورتبيها حفاظا على سلامة اللي حولتس عزيزتي http://www.up-00.com/bzfiles/aJ193302.jpg ،،،، (2) المكياج وما أدراك مالمكياج ..!! عزيزتي حواء تعلمين جيدا انه لو تحبّين السماء و تلطّخين وجهتس من هالالوان منتيب قالبة باسكال مشعلاني فجأه سيدتي هذه أنتي فلا تراكمين طبقات الميك اب على وجهتس لتخفين ملامحتس ،، بل اكتفي بلمسات بسيطة ناعمة واتركي عنتس دمج الظلال ومطهن لين الاذن الله يصلحتس ،،،، (3) رطبي جسمك عشان مايصير جلدتس تسنّه جلد عكرة الضب .. مهوب تدهنين بزيت عافيه ! دهّني جسمك بكريم مرطّب وعليك بمرطب جرجير مرتين على الاقل في اليوم .. بعد ما تخلصين من الكريم ضعيه في مكانه ولا تقربين لمّه إلا وقت التدّهن فقط . تحذير .. لا تاكلين الكريم حتى لو صارت ثلاجتكم فااااضيه موب مثل ماكانت تسوي الخبله .. أشوى إنّ الدكتور سرداح المنفلوطي حل مشكلتها وإلا تسان علوم http://www.up-00.com/bzfiles/H8v93302.jpg ،،،، (4) براتمك ماتنشاف ..! معنا بنتشاف .. وزود عليها بتاخذين نشّاف بعض الحريم يحبون يخترعون باللي هو كل هذا عشان تصير أطلدز وحده ..بدون ما ياخذون في الإعتبار النتائج المترتبة على أفعالهن المتنيّله بستين نيله ..! بعضهن ماعندهن تكاليف العمليه عشان تصير براطمها اكس اكس لارج فتتهور وتمد هوز ( ليْ ) من غاز المطبخ لبرطمها وتنفخ لين معاد تفرقين هو وجهها من قدام وإلا من ورى . كل ماعليك تجيبين قلم خطاط وتحددين حول الشفّه بمقدار نص سم .. بعدها جيبي الروج الأحمر أو البوردقاني أو أي لون المهم لا يصير بنّي محروقي وإلا لون من ألوان فيفي العبده وإبدأي بالمزج وبعدها راح تصبح عندك براطم كبار طبيبعه بدون أي غاز اصطناعي وبدون أي تكاليف . http://www.up-00.com/bzfiles/LBf93302.jpg ،،،، (5) محد ركبته أحسن من أحد عزيزتي حواء السعوديه <- لاحظوا قلت سعوديه اهب على اللي في بالي ،، ركبتتس سودا ولانفع فيها كل الخلطات ..! مالتس إلا تستخدمين ( ليفة الموعين ) وتدعكينها خمس مرات يومياً بعدها ادهنيهن بفازلين عشان شسمه التشمخات اللي بتطلع بعدين .. (لاحد ياخذ بالنصيحه لاني كنت ثمله آن ذاك ) الجد عليتس بالهيلااااااهوب الشفاف تراه يزين الركب شعارنا هالمرّه .. محد ركبته أحسن من أحد ،،،، (6) آآآآآآآآتشوووووووووو ..... قصري حستس جعل حستس للقص ..! كثير من الحريم يشتكون من أزواجهن .. تقول إحداهن .. انا لاجيت أعطس .. زوجي موب يقول يرحمك الله وكلام حلو .. ماتسمع إلا وجع قصري حستس جعل حستس للقص ..! عزيزتي المطيوره .. لاجيتي تعطسين قصري صوتك قد ماتقدرين ولاتستلمين علبة المنديل وهاتك يامناشق تحوم التسبد كوني راقيه وهاديه وناشقي بعيداً عن زوجك وأي شخص كان .. وصدقيني بعدها ماراح تسمعين كلمة وجع واخواتها ، بل راح تسمعين .. لبّا هالعطسه ! http://www.up-00.com/bzfiles/TSw93302.jpg ،،،، (7) إنّ الله جميل يحب الجمال وإحنا نقول لك ياسيّدتي كوني جميله ومرتبه في البيت وليس فقط في عرس بنت خالتكم ! ، نعم لاتقعدين بدرّاعه ومسويه تطقمين مع جدتك وتحتكين عشان شسمه <- ماودك تنصح أبد فيه بجامات حلوه بلاسينزا و نعومي و بومن سيكرت و اذا مستخسرينها على البيت فيه بطابا والهرم تجي طقم وبسعر حلو .. أعيد وأكرر طقم ..! (8) معذورة لو تكبّرت .. مغرورة يابخت الغرور انتبهي موب تصدقين ذا الحتسي .. ياما نشوف بنات بمجالس فاهمين البرستيج غلط ..! ولاجت تسولف ودّك تقولين لها يازينك ساكته ! جمالك وكشختك لن تكتمل من غير وجود روحك المرحه و الجميله ..! وهذا مايجعلك جذابه في نظر الجميع حتى بنظر شغالتكم . ،،،، |
ألو ألويالله حـــييهــم--->>
(9) طويله ويالله تدخل مع الباب .. قصيره ويالله تطول مغسلة المطبخ~ مشاكلهم حلّها معنا .. بالنسبه للطويله حاولي تقاطعين التنانير الطويله لأنها تب تطولك زياده ولايعني هذا إنك تروحين تشترين تنانير فوق الركبه وتخرعين العالم بركبتس السوداء ياجعلتس اللي منيب قايله وبلا قلة حياء <-- هالحين إنت وراتس معصبه ! وكذالك التنانير المقلمه بالطول لا ترتدينها وإلا بتصيرين مزاز متحرّك أمّا بالنسبه للقصيره فإذاإنتِ ودتس تصيرين برميل عليتس بالمخطط اللي يجي بالعرض http://www.up-00.com/bzfiles/rnD93302.jpg ،،،، 10) صبّوا هالقهوة وزيودها هيل ~ عزيزتي حواء الصغيره ( بحكم ان اصغر القوم خادمهم ) عندما يقع على عاتقتس صب القهوه وتصكتس الغلقه ، لا تتذمري ولا تبدي ملامح الاستياء على وجهتس لانتس بتصيرين اقبح ، ولكن خذي الموضوع كنوع من التحدي ، والقطي الدلة بيد اليسار والفناجيل باليمين وحافظي على رزتس وابقي ظهرتس مستقيم واشفطي كرشتس وتنقلي كالجراده بالمجلس <- لاعمرك تشبهين ههههههه http://www.up-00.com/bzfiles/W0N93302.jpg (11) اهتمي بنبرة صوتك خليك كيوت ياكتكوت ~ لاتزاعقين من الحماس بالسواليف وتتسبّبين بجريمة " فقع طبله " ..! تكلمي بصوت واطي وهادي .. انتبهي عاد لاتخيلنه واطي مرّه ثمّ يجيبون سمّاعات استريو يشبكونها فيتس http://www.up-00.com/bzfiles/CFL96017.jpg ،،،، (12) معنا انت الرابح .. ام بي سي على شحم ~ أدري إنّتس أكل ومرعى وقلة صنعة وقمّة سعادتس تكمن قدام التلفزيون ومعتس صينية قهوه تمخمخين عليها وحلى لو هو حواق بس أهم شي فيه فيه نستلة .. وعلى هذا الحال لين تغدين كانتس انتصار الشراح وهي متحجبه .. عندنا الحل .. البسي بدلة الرياضة (بجامه تمشي الحال ) وخذي لتس 15 دورة حول البيت .. وإن كانتس من النوع اللي يزهق من المشي عادي خوذي لتس آي بود واسمعي طقاقات راح تحسين إنك مشيتي 30 دوره حول بيتكم .. بجد ياجماعه ترى المشي مفيد يخض الدوره الدمويه ويخلّي كل شي كويّس <-- طيب لايكثر ،،،، (13) منيره قصت الشعر وصارت تتنح نح .. ! ~ انا مايفقع مرارتي الا شي واحد ، اذا جتك الوحده على بالها انها اقوى وحده وحالقة شعرها ع الصفر ومحددة سوالفها و حاجبها تقول قارطه فار ، وحاطتن حزام ناسف على الخصر و مفاتيح بيتهم كل ابوها بميدالية تقرقش يقال مفاتيح الكامري اللي عند الباب ،، والله يابعض الحريم لاشفتيهن ودتس تتغطين عنهن ! ماناقصها إلا شنب وتصير رجال !! انا ادري ان الطب النفسي موب نافعن فيتس لكن مالتس الا تشوفين سندريلا http://www.up-00.com/bzfiles/Q7P96017.jpg ،،،، (14) لا يوقف لا يوقف ~ الحين انتي صرتي رهيبه وأطلق وحده ليه تخربينها بالعرس لييييه يعني بعض الحريم لاجو يرقصون ما ودك ماترقصين معهم بالمنصه خاصة لاجت اغنية التاكسي انواع الدفاشه والمرافس وتخريب الجو حاولي ترقصين بشكل منطقي مثل الحيّه ومع الدقه ايه مثل الحيه وش فيكم تناظروني مهوب مثل ذيك اللعبه اللي تفرينها وتفرينها ثمن تنطلق عاد انتم افهمومها لاتبتلين كل ماقلت الطقاقه أءء الاك واصله المنصه وماخذه دوره حاولي انك على الاقل اغنيه ترقصين واغنيه لا ... http://www.up-00.com/bzfiles/xIU96017.jpg ،،،، (15) التدخين ~ من اللي لاعبن عليتس وقايلتس ان التدخين من حركات البرستيج .. الله يذكر أيام اول بالخير .. ماكنا نشوف بنات يدخنن .. هالحين بكل متسان .. القهاوي .. العروس .. الكوفيرات .. وش لتس بالتدخين ترا يسود براطمتس حتى لو تحطين روج أحمررر مهوب مرقّع اللون .. غير تسذا .. صوتتس يب يتغيّر ويصير أخشن من صوت جوروج وسوف بعد ماتاب ..! عاد لو كنتي بنت ومااعرستي .. ترى معادتس معرسه وبتعنسين وإن كنت معرسه تب تموتين . http://www.up-00.com/bzfiles/4nv96017.jpg تراها ماسكه قلبها ورئتها يعني تعبانه ،،،، بس خلاص اتمنى انكم استفـــدتــو وان كل وحده سجلت بدفترها اهم الملاحظات وتبدا من باتسر التطبيق صقــــــــ عه ــــــــــو .... |
ههههههههههههاي
يسلمممممممو صقوعه خطوات حلوه من انسانه احلى يعطيك ربي ألف عافيه حبيبتي مــــودتي** |
ههههههههههههههههـ هههههـ ـهههـ هههههههـهههههههه يعني ماتعبتي من الرسم إلا على اخر صوره (وحده ماتدخن)
موضوع حلو تشكري |
هههههههههههههههههههههههههههه
شفت عاد >>قفل مخيخي عندك مفتاح <<اوم المصاله خخخخخخخخخخخخخخخخخخخخخخخخ تعفوي <<يقالها ع نفس الوزن ههههههههههه |
هههههه الله من الشلــــخ تراها زارفتااوما تعبت من الرسم اخوي مدري اختي لاتتحمس ......
هع هع كني اشوفك صاقعه اول ماتدخلين العرس من تسمعين طقاء طقاء مانشوف الا غبارك ونلقاك في حضن الطقاقه بعد موب المنصه ....... ايه صح واذ1 ع الركبه والله لو تفوحطين وتفوحطين وتاخذين خمسات وعشرات وتسعينات ماابيضت بس حلو انك اقتنعتي بفكرت الهيلا هوب ع قولت اللي كاتبه الموضوع مهوب انتي لانك زارفته ههههههههههههههه وش بعد وش بعد ......... واذ1 ع الجلد ترا ارخص ماهنا وازين ماهنا هو الفازليييييييييييييييين يصلح لك مررررررره تطلعين تلقين لق عاد في الشمس يالله من فضلك تصيرين توهبلييييييييييييييين....... خخخخخخخخخخخخخخ والكريم ذ1ك البرتقالي مدري وش اسمه نسيته ترا يمدحونه ماااااااره واذ1 صرتي مزكمه لطي خشمك لط به شرط خمس دقايق ... وتلقين خشمك ناشب في المنديل........ هع هع ولا الفقس تراه زين بعد واخلطي معه فلاش مقري فيه وزيت زيتون وبيضه وحطي شوي تراب وقشار موز مع تايد عاد حسب الرغبه واخلطيهم زيييييييييين ولطيهم لط من قلب مب حواق والله ان يشوفونك يحسبونك اليسا<<< الله من الصدز......... فهـــــــــــــــودي المملـــــــوح<<يقالي اغير |
يـــــاشينــوكـ
لجلســت اتــميلح طيب درينــا انكـ فهــودي المملــوح وش انســويلكـ والله من المصاله في ذ1الخشه ماقــول الا الله ميييييير يصــلحكـ ورح يابابا هجـــول بعـــيد <<بسم الله علي جعــــلكـ مانت بابوي ... |
هههههههههههههههههههههه
مشكوووووووره الله يسعد قلبك حبيبتي (اما البنات الي يتشبهون بالاولاد ياكثرهم من جد نفسي اناقش هذي القضيه فموضوع آآآخر ) مع تقديري |
يسلمووو ع المرور يادزلبي ..
واذا ودتس تناقشين موضوعتس اللى تقــولينه روحي لقسم الراي والراي الاخر موضوع سادحه فتاوي <<المترجلات>> ولاتحرمينا من ردودك... |
ههههههههههههههههههههههههههههه
الله يرجك صقوعه يعطيك العافيه على الموضوع هههههههه |
| الساعة الآن 03:28 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون