منتدى دمعـــة ولـــه - (((مـن طلـع رجـم المفـارق مادعيتـه )))

أبشر أبشر ماعلـى هالـراس كايـد
مـن طلـع رجـم المفـارق مادعيتـه

بنـت حـر والحـرار الهـا عوايـد
منـزل الحقـران أشــوم ولادنيـتـه

ماعلى المقفي مـن المنقـود عايـد
مـن بغـى يقفـي فيقفـي مانهيـتـه

والله إن مايلحقـه مـنـي نقـايـد
ينتهـي ليـل المـفـارق ماسريـتـه

هيه يا اللي تحسبن (وصلك) وقايـد
جمـر وصلـك مـن عرفتـك مادفيتـه

صدت .. لكن للاسف ويش أنت صايد
دسـم الشـارب بصـيـدك لاخذيـتـه

شرهتي!!ما اسوقهـا لإنسـان نايـد
(وبرجي العاجـي ) تمـوت ومارقيتـه

الـردي ماينصـا وقـت الشـدايـد
والسنافـي مايقفـل بــاب بيـتـه!!

قلت لك مليـوووون مـره يامزايـد
تبطـي وجيبـي عشـانـك مافريـتـه

أنتبه..!! وإن طعتني خلـك محايـد
الثمر ماهـوب لـك يـا اللـي رميتـه

لا تظـنـك بالرجاجـيـل الفـرايـد
شفت فيـك الرجـل لكـن مـا رأيتـه

يكفي إنـي راس مالـك فاالقصايـد
لجـل عينـي كـل طـاروق بنيـتـه

والا أنالبستـك الشـهـره قـلايـد
وضوءك اللـي تلبسـه منـي أرتديتـه

لاتحسب إنك غديـت الشيـخ زايـد
أنـت عمـرك راح دينـك ماقضيـتـه

آه يالبـا الـذي يـسـوى بـدايـد
شخص واحد بس ..هو اللي فدييييييته!!

أطوماضينـا مثـل طـي الجـرايـد
وأعتبـر ماصـار حــادث ماقريـتـه

أستـرح والله بتكبـيـر الوسـايـد
والله..الله..كـل مـن قـفـى نسيـتـه