منتدى دمعـــة ولـــه

http://www.d56d.org/uploads/images/d...4147bf1c50.jpg

حبيت انسان بس للاسف نساني
والله اني ندمان لاني حبيته

حبيته ومن الصد والهجر عطاني
حبيته وباصدق احاسيسي حبيته

عطيته روحي وقلت انه يتمناني
وانا على نيتي حبيته وتمنيته

ومن حبي كتبت له احلى اغاني
وسكنته قلبي والقلب صار بيته

وقلت صدره بيتي وحضنه مكاني
وحطيته بعيني وبجفني خبيته

قلت يمكن يقدر وبروحه يفداني
يمكن يقدر اللي من اجله سويته

بس يا للاسف من قسوته سقاني
وانا غير الحب والغرام ماسقيته

للاسف جرحني وصدمني وبكاني
وانا اللي ما عمري في يوم بكيته

للاسف بسهوله باعني ونساني
وبكل سهوله دمر كل ما بنيته

حسافه فيه حبي وصدقي وحناني
حسافه ليتني ماقدرته ولا عزيته

مايستاهل التقدير لانه اناني
ولا اتشرف لو قلت اني هويته

خساره فيه شعري واعذب الحاني
حرام فيه كل لحن لحنته وغنيته

مقهور لانه ذاب في دفا احضاني
مقهور لاني في دفا حضني ضميته

مقهور لانه عاش معي في زماني
مقهور لاني بدافي شعوري دفيته

حرام ابكي ويكون مصدر احزاني
وحرام فيه كلمة حبيته وفديته

ندمان ومن تأنيب الضمير اعاني
ندمان على هالحب اللي حسيته

والله كرهت اليوم اللي فيه لقاني
وكرهت اليوم اللي فيه انا لقيته

كرهت كل لحظه عشتها باماني
كرهته والكره من قلبي اهديته

خلاص كرهته بكل انواع المعاني
وخلاص انا بعته برخص ما شريته

انا انسان واخيرا النسيان جاني
ونسيانه اسهل من حب عطيته