منتدى دمعـــة ولـــه - دمـــعـــة يتــــيــــمه....... بقلم بسمة......

منتدى دمعـــة ولـــه (https://www.dm3twlh.com/vb/index.php)

- الشعر وعذب الكلام- Poetry Section (https://www.dm3twlh.com/vb/forumdisplay.php?f=7)

- - دمـــعـــة يتــــيــــمه....... بقلم بسمة...... (https://www.dm3twlh.com/vb/showthread.php?t=16509)

دمـــعـــة يتــــيــــمه....... بقلم بسمة......

مرحوم ياللي سمعتة ترفع الراس

نوماس علمه للنفوس العليله

علمه ينومس بالفخر طير قرناس

حر نهار الضيق كلن يجيله

له موقف مثل الفرح حزه الياس

بالهقوه اللي كان بارق تخيله

ابويه اللي للمواجيب نبراس

له سمعة ترفع مقام القبيله

له الوفا والطيب مبدى وناموس

درب المراجل مايضيع دليله

صادق مشاعر يحتوي قوه الباس

ماعاش في دنياه لحظه ذليله

خبر وفاته اودع الفكر منحاس

وانشل فكر ماقوى نزف قليله

يوم الفجيعه اعتلت ضيق الانفاس

ماالوم من عيت عظامه تشيله

قالوا توفى وجاوبت هزة الراس

مع سقطة الدمعه وفوح المليله

احساس صادق وانجرف دون مقياس

فيض الحنان اللي سكن بي رحيله

في داخلي اعماقه كما طفل حساس

استوطن اعماقي وصرت انتمي له

كتبت شعري دم بكفوف قرطاس

دمـعـــة يــتـــيــمـــه تذكره كل ليله

رغم البطا رغم الزمن رغم الارماس

باقي معي للحين صوره جميله

ضميتها حطيتها بين {الأقواسِ}

لا ضاق منها الكون صدري يشيله

صوره لها نبضي ودمعي والاحساس

صورة شموخ وللمبادي فضيله

تطلب له الرحمه من الله ولا باس

اعداد من لبا وصلى النقيله

عد النجوم وعد ماهب نسناس

عد الشجر واعداد بارق مخيله

في جاه منهو عالم غيب الانفاس

في جنة الفردوس يصبح مقيله

الله يرحــــــــــــــــــــــــ والدي وكل أموات الملســــلمين ــــــــم