منتدى دمعـــة ولـــه - اوف اوف واوف اوفٍ قلتهـا عـدّة ألــوف

منتدى دمعـــة ولـــه (https://www.dm3twlh.com/vb/index.php)

- الشعر وعذب الكلام- Poetry Section (https://www.dm3twlh.com/vb/forumdisplay.php?f=7)

- - اوف اوف واوف اوفٍ قلتهـا عـدّة ألــوف (https://www.dm3twlh.com/vb/showthread.php?t=3815)

اوف اوف واوف اوفٍ قلتهـا عـدّة ألــوف

العزا في وضع حالي دمعة العيـن الـذروف
والعزا في موت حظي دعـوة الـرب القديـر

والسعادة غاب بدره والقبـول امسـى نكـوف
والربيع اللي تغطرف راح لين اصبح هصيـر

والأمارة زال حكمـة والعـداء دقـت دفـوف
والزعامة لي تدنـت والحـدب هـام الجفيـر

والورود لنبض قلـب بـدل لصـد وعـزوف
والجنون اللي بالأول خـدره حـرف الخفيـر

ياربوع الدار ماني سامـع اصـوات وهتـوف
واجبي من نون عينـي قايمـه مهمـا يصيـر

ارسم البسمة بوجهن وارضي اهواء وشفـوف
وارسي لواجب مكاني مظهـر لشيخـي نفيـر

واللهيب يشب جوفي مـن عتيـات الظـروف
اللي ان قلت ارحميني زادت العسـر بعسيـر

والكداير جمّ جمّـه وامتلـت منهـا الكفـوف
والعزوم اللي تشيل جبـال خاطرهـا كسيـر

والرّكاب اللي شـدادي فوقهـا حنّـت بـأوف
واخضرار العود منـي نشّفـه حـرّ الهجيـر

والإثارة من بعيـد الحلـم عـدت للوصـوف
زادت جنوني جنون وصرت افضّـح للحفيـر

ادري الجوهر اصيلٍ وافرق لقطـن وصـوف
واعرف ان الطبع غالب لو غدى وضعي خطير

يامرام النزف هونـك دام لـك منـزل ينـوف
كل منـزال الخلايـق مامعـاك احـدٍ خشيـر

بالهوينـا بالهوينـا ذاب قلبـن لـك لـهـوف
لاتقطـع بـه عروقـه فطـره شـي يصيـر

فطـره خلـف المحانـي قاسيـات للحـروف
لانتثـر معنـاه وارْهـم عندهـا خلـقٍ كثيـر

لعنبو ماحل قلبي صرت لـه خضـع هـدوف
ماقويت افصم عنان وجدوتـي نـزف الفطيـر

اوف اوف واوف اوفٍ قلتهـا عـدّة ألــوف
من عديم احساس دز الرمح والسيف الشطيـر

مايبالي بالصويب ولا رحـم دمـع معطـوف
ياترى لـه قلـب ولا منحـرم قلـب بصيـر؟