منتدى دمعـــة ولـــه - لو شرب صمت الكلام احلام حزني

منتدى دمعـــة ولـــه (https://www.dm3twlh.com/vb/index.php)

- الشعر وعذب الكلام- Poetry Section (https://www.dm3twlh.com/vb/forumdisplay.php?f=7)

- - لو شرب صمت الكلام احلام حزني (https://www.dm3twlh.com/vb/showthread.php?t=13034)

لو شرب صمت الكلام احلام حزني

" أحلام ليلي "

لو شرب صمت الكلام احلام حزني
كان ما طال السهر ويا انتظاره ..

حزن حرفي طول ليلي في ونيني
يسأل اطراف الشفق مبدا نهاره ..

يا هجوس الليل حني وارحميني
صوت خلي في عذابه طال اسفاره ..

ويــن برده ؟ وين صيفه عن سنيني ؟
اسأل اعوامي وكل(ن) تكثر اعذاره

يا سنيمن الحب .. حبي ضاع فيني
ضاع في دمي بعروقه وانتشاره ..

آنا من كثر الهموم .. احني جبيني
واقتل افراحي بشوقي وانتظاره ..

ابكي حروفي على صفحة حنيني
كثر دمعي يوم احسه باتثاره ..

كل ما قلت الكتب تبكي ضنيني
صاحت اوراقي باموت بوسط ناره ..

من ظلام الليل قومي وانقذيني
طال دربي واختفت سهرة اقماره ..

خلك بروحي تعال افرح بعيني
يمكن آضم الفرح وادفى بناره ..

وان قسيتي .. ماتت الفرحة بيديني
واقنع الحرمان قلبي بانتحاره ..

كل همي تنتهي عندك سنيني ..
وابدا بقلب(ن) جديد بلا خسارة

بقلمي .. عبادي الراقي