منتدى دمعـــة ولـــه - قالت منت بحلو ..قلت رجال

منتدى دمعـــة ولـــه (https://www.dm3twlh.com/vb/index.php)

- الشعر وعذب الكلام- Poetry Section (https://www.dm3twlh.com/vb/forumdisplay.php?f=7)

- - قالت منت بحلو ..قلت رجال (https://www.dm3twlh.com/vb/showthread.php?t=22002)

قالت منت بحلو ..قلت رجال

قالت ترى منت بحلو قلت رجـال 000 والزين ماهو من شروط الرجوله

الزين يلقى عنـد لباسـة الشـال 000 والرجل زين ان كان زانت فعوله

قالت علامك تلبس شماغ وعقـاال 000 انت بدوي؟ قلت بدوي ومن حموله

ما ألبس بناطيل لها الوان واشكال 000 وامتر الشارع بعرضـه وطولـه

قالت اجل راعـي معاميـل ودلال 000 شرب القهاوي تحسبونه بطولـه

كيفي يابنت الحضر دله وفنجـال 000 وحليب خلفـه بالمـراح معقولـه

وحب الكرم والجود وعلوم الابطال 000 مغروس فينا من زمان الطفولـه

قالت ترى بنت البدو حظها مـال 000 قلت احذري حذرا تكوني جهولـه

بنت البدو يابنت مضرب للامثـال 000 فوق الجمال وطاعة الله خجولـه

ماحطة اصباغ ولا حطـت ظـلال 000 ولا سيرة بالسوق سير مهبولـه

هي مهرة تصعب على كل خيـال 000 وانتي ومثلك عسفهن بالسهولـه

قالت تغزل بي وشف حبة الخـال 000 ناظر عيوني والرموش الكسولـه

قلت العفو مايجتمع حـب وهبـال 000 ولكـل ذوق فالمزاييـن رجـولـه

قلتي وقلت وكلمة الصدق تنقال ؟ 000 الزين ماهو من شروط الرجولـه