منتدى دمعـــة ولـــه

أطفال صغار كنا

وكبرنا مع الأيام

و أخطينا في حق نفوسنا

نقول إحنا بخير

وفي داخلنا تصيح قلوبنا وين الخير

لهينا في دنيانا

و تبعنا خطاوينا

ما فكرنا في بكره أيه يصير

تغافلنا وتمادينا ولا نحسب للي جاي أي حساب

كم واحد منا كل حق الغير

وكم واحد منا كلمة حق في حق مانطق فيها

وكم واحد منا بكلامه صعد على كتوف الثاني

وكم واحد منا بكى عيون خلانه

وكم من مره فصلنا بعيونا اجساد

نلاحق ذي ونكلم ذيك ونغمز للي هناك

ونفرح في إلي نعمل ونقول خير في خير

وكم من مره نسمع صوت الأذان

ومساجدنا ما دخلناها

نصوم وبوسط الصيام نغتاب

نطرب لفلان ونام على صوت فلانه

وشوارعنا شكت من سرعة ممشانا

ونتجمهر في يوم على حادث سير

ولا نتعض من الغير

ننام في نهارنا ونصحى بأخر اليل

على لعب بالوت وشطرنج وغيرها

ومن يكلمنا أحد من أهلنا في حاجه نقوله مشغولين

نفكر في توافه أمورنا وفي الشدايد نقول يصير خير

و نناظر غيرنا دايم بنص عين

ونطمح للتغيير

وعقولنا فارغه ونبي الخير

آه يا كبر الذنب فينا إذا قلنا إحنا بخير