منتدى دمعـــة ولـــه - ضيـقة شجـــاع

السلام عليكم ورحمة الله وبركاته

اطرح بين ايديكم هالقصيده وهي تعبر عن نفسها

وكلي امل ان تنال اعجابكم

*·~-.¸¸,.-~* ضيـقة شجـــاع *·~-.¸¸,.-~*

يارجل سوقيها مع جرهـد البيـد .. لو القدم يمشي على القاع حافـي
الموت ماعنـه مصـد ومحاويـد .. وماقـدره ربـي لـزوم يشافـي
والنوم ماسر الرخـوم الملابيـد .. والذل ماعاش النفوس الضعافـي
لو طاوع القلب الحزين التناهيـد .. يارجـل والله ماقويـت الوقافـي
سبـة أهمـوم بالحنايـا مواريـد .. تـارد معاليقـي ورود ومقافـي
لامن غـدا لليـل ثلثيـن ويزيـد .. وأقبل صباحي وأقشر الهم لافـي
بيحت من حسرات جوفي تناكيـد .. وأسقيت جرحي علقم الهم صافي
أذكر زماني وأفتكر فيـه وأعيـد .. وقت به العدله تجـي بإنحرافـي
مايامنه غير الرخـوم المقاريـد .. دلوش الرجال اللي قشرها عوافي
ضعوف النوايا ناقليـن التراديـد .. أهل النمايم والعلـوم الصخافـي
ياسعيد ناشتني أعيون الحواسيـد .. والوقت مال ومال حظي خلافـي
وقت العنا وقت الفنـا والتناكيـد .. شف طعنته بين الضلوع النحافي
جرعت سمه كيد في كيد في كيد .. وشربت ذوحه والنوايـا نظافـي
مابين طعنـات القفـا والمناقيـد .. ضاعت مشاريهي وبحت الخوافي
أنشهـدان زلـة رفيقـك تلاهيـد .. سم تذوحه مالـه اليـوم شافـي
ماله دواء ياغير سبك الشواريـد .. شرد البيوت مبيحـات القوافـي
اللي تسابقني جمـوع ومفاريـد .. وتاخذ مع زفرات صدري طوافي
ياسعيد لاتشره على القلب ياسعيد .. الصدر ضايق يالرفيـق السنافـي
ضيقة شجاع وضيقوه الحواقيـد .. ماحسها يالقرم من الناس هافـي
ضيقة عزيز وحده الوقت تحديـد .. لو كان له شبر مع الناس وآفـي

وسلامتكم

وتقبلو تحياتي

حززين الحرف