يا بنت لا تنشديني ويش اخفي هموم=أرجوك أرفقي بمن هو همومه كثيره
شوفي وشلون أصبح فالبعد محروم=من رفيق دربه يــــوم فارق عشيره
حين الفراق أصبح مقدر ومحتوم=وكلن عن الثاني تغرب له بديره
وجدي عليها وجد من كان مظلوم=مسجون في سجنه وعينه ضريره
وليا نادى علي من حوله من القوم=ما يسمع إلا صدى صوته وتكريره
ويسكت من الوعه وكل ما يجلس يقوم=من نار في صدره تحرقه وشبت سعيره
ويا بنت أنا اسهر الليل وسامر نجوم=ومن كثر السهر نفسي بحالٍ خطيره
ولسهر في وجهي تحت عيني رسوم=من سواد الليل يرسم يا الله الخيره
وشلون ما اسهر وعيني جافت النوم=ولمن جيت بهجع دمعي اسمع خريره
كنه خرير بوادي من السيل مزحوم=سيله يشق الدرب ويكمل مسيره
وعليه من زايد الوبل ديم وغيوم=تشابكت وتمطر مطرها وليله مطيره
وكما الريح تعوي صلبات الاسهوم=في وسط قلبي وأقول لاقى مصيره
ويا بنت لا تحسبيني بي جنان واهوم=ولا كلامي جمله من رويه قصيره
ولا تفكرين إني من الإحساس معدوم=لكن جرحي بقلبي كل طارئ يثيره
وأنا لي مع الناس عادات واسلوم=ولي مع الفخر والعز قصه وسيره
لكن دارت بي الأيام في وقت مسموم=واحيان مايضيع الإنسان إلا شويره
ورضيت بأمر الله وما كان مقسوم=وأمنت أن الفرج ربي بأمره يديره

أخــي عذب القوافـــي..

الله يعطـــيكــ العافـــيه

كلـــمات جـداً جـمـــيـلـه

لها إحــــســاس رائـــــع

في انتـــظار جديـدكـ

دمت بود