منتدى دمعـــة ولـــه

منتدى دمعـــة ولـــه (https://www.dm3twlh.com/vb/index.php)
-   الشعر وعذب الكلام- Poetry Section (https://www.dm3twlh.com/vb/forumdisplay.php?f=7)
-   -   ماحلا نظم القصيد (https://www.dm3twlh.com/vb/showthread.php?t=5922)

عالي النايف 07-01-2007 07:20 AM

ماحلا نظم القصيد
 
دِقْ ياعزّاف ناي افراحـي وسمّـع قصيـدي
وانـت يالفنـان شلْهـا للحبايـب سامريّـه

ياهل الدار اقربوا صفيـن غنّـوا للنشيـدي
فرحةٍ باللـي لفانـي فرحـةٍ باغلـى هديّـه

مرحبا مضْوي فضايا ياهـلا جـزْل المديـدي
والله ان الـدار تـوّه ترتـوي بعْـد الظميّـه

من زمنْ وانا اترجّى وانت يالغالـي عنيـدي
والغريبه مانقضْـت لفتْـل حـرف الابجديّـه

دامك العراف دامك في بحور القـاف سيـدي
ياترى هـذا تجاهـل او تبـي منْـع العطيّـه

ماعليّـا ماعليّـا نبتـدي عــامٍ جـديـدي
اقْرب وشفّي ملاعب مدّتـك صبْـح وعشيّـه

ماحلا نظْم القصايـد فيـك يالعقْـد الفريـدي
والله انه فيـك تزهـى يابعـد هـذي وذِيّـه

تزهي بتصوير شوقٍ شبّ في جوفي وقيـدي
شوق لِقْـدود وخـدود وللعيـون النّرجسيـه

للمجـدّل للّمـا للْهمْـس لابـيّـح سـديـدي
لك جميعك ملهمي لاقلـت وش حالـك كِذيّـه

إيه انا في شوف طيفك لان بي صلْب الحديدي
والخنوع لعين عينك سيمـة العيـن الشّقيّـه

من نظرْتك في فضايا ساق دمّـي بالوريـدي
والخفوق اللي سهيدٍ صار له ورحـه وجيّـه

اقْسم انّك نفْـت حـبٍ بالقريّـبْ والبعيـدي
واحْلف انّـك مامعـاك اللـي تـولا للخفيّـه

هيه يكفي عِنْد لِيّـه طنّـش لْـدار البعيـدي
وانْـزلْ بـدارٍ شفوقـه للْمـدود الحاتمـيّـه

دار خلّك دار ناسـك دار حمّـاي الضّهيـدي
دار من عرقـه تـروّى بالسمـات الشمّريّـه

اقْلطْ ونوّخ ركابـك واسْفـه لعمـرٍ وزيـدي
وابْن خيْمتْك العزيزه وسْط روحٍ لـك هويّـه

(هايمك) فضفضْ لسدّه وان بغيت الْك المزيدي
وان قفلْت الباب ويلك من جِـزا ربّ البريّـه

صقر عتيبه 07-01-2007 10:50 AM

رد: ماحلا نظم القصيد
 
صح لسانك اخوي ولسان قايلها

يعطيك الف عافيه على القصيده الرائعه

تقبل مروري يالغلا

تحيااااتي لك

كاف يار 07-01-2007 08:51 PM

رد: ماحلا نظم القصيد
 
ماحلا نظْم القصايـد فيـك يالعقْـد الفريـدي
والله انه فيـك تزهـى يابعـد هـذي وذِيّـه


صح لساانك مليوووووون ولايسدون

الله يعطيك الف عاافيه

قصيده جززله من جزل

لاهنت لاهنت

عالي النايف 07-02-2007 03:01 AM

رد: ماحلا نظم القصيد
 
مشكورين على مروركم الرائع

الله يعطيكم العافيه

تقديري لك


الساعة الآن 04:01 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون

أرشفة : مجموعة الياسر لخدمات الويب المتكاملة