|
خاطرة بعنوان .. الـســـــــراب
السلام عليكم ورحمة الله احببت أن أشارككم بخاطرة مما جاد به قلمي سميّتها ( السراب ) :- الله من غدر الصديق يشعل في جوفي حريق وين الصديق؟ وين الرفيق؟!! خطوة وتاهت بالطريق عمري مضى بخطوة قدم والباقي أقضيه بندم لاصارت الخطوه عدم والله ألم ،، وكلّي ألم تقدر تجرّب لوعتي؟ ماظنّتي فيك احتمال جهّز لهالوعه جمال تحمل معاناتي بدروب وتمشي بها يمّ الغروب دمعة فراق ودمعة حزن دمعة ألم ودمعة شجن في غربتي بهذا الزمن ودّك تجرّب لوعتي؟!! جرّب مرارة بسمتي فيها من اللوعه قليل وهذا دليل .. هذا دليل دمعه على خدّي تسيل تسهر معي بليل طويل وهذا دليل .. هذا دليل أمواج في وسط البحر وانا غريق أبكي قهر ليه الخيانه والغدر؟! وليه الرفيق قلبه حجر!! أوقدت في صدري جمر وماعاد فيني من الصبر .. اللي يداوي لوعتي تبغى تجرّب لوعتي؟!! ركّز وناظر شمعتي أوقدتها بليل الظلام أشقيت عيني ماتنام أشكي لنفسي همّها من الصاحب اللي غمّها ياطفل في صدري بكى ياقلبي لاتبكي الوفا انت الوفا وكلّك وفا أنت الصدوق انت الحنون يوم صار حبّك له جنون وتقول يستاهل ويمون وكل الشقى بعيني يهون إلا من الصاحب يخون تعلّمت من جور السنين إن الألم وكل الأنين وان الحزن وكل الحنين مايطفي شمعة وحدتي في غربتي تقدر تجرّب لوعتي بصورة وماهي صورتي فيها تشوف اللي جحد صحراء ومافيها أحد لابرق فيها ولامطر ولاغيمةٍ تروي شجر مالقيت فيها الا سراب أخطيت مدري انه تراب أمشي وادوِّر له عطش والشوك في دربي انفرش آطآه وامشي له وله وكلّ الألم اتجاهله الله منك ياسراب أخطيــــت مدري انك تراب تركتني كلِّي اغتراب وعيشتني ليلي عذاب وماعاد ينفعني العتاب وهذا وفا كلِّ الصحاب هذا وفا كلِّ الصحاب هـــذا وفا كلِّ الصحاب .. لاصار في لحـظه ســــــــــــــــــرااااااااااب وسلامتكم،،، |
رد: خاطرة بعنوان .. الـســـــــراب
يعطيك العافية وبالنسبة للطرح رائع ولكن انت داج وماعندك السلفة بس طرح رائع
هههههههههههههههههههههههههههههههههههههههههههههههههه ههههه تحياتي لك |
رد: خاطرة بعنوان .. الـســـــــراب
مشاء الله عليك يافيصل والله ابدعت ياحظنا فيك شاعر >> انتظر جديدك تسلم ايدك ويعطيك العافيه تحياااتي |
رد: خاطرة بعنوان .. الـســـــــراب
عزووز : اضحك اضحك .. كل يرى النّاس بعين طبعه ياالراكد والرزين انت همس الوله : الف شكر على المجامله .. وصدقيني هذه الخاطره تحديدا لم انشرها مع العلم اني نشرت اكثر ماكتبته .. ولكن الآن تمر السنه او السنتين ولاأكتب شيئا هي الظروف أحيانا لاتدع مجالا حتى للتعبير عن مشاعرنا وجودك ياهمس سيجعلني افكر كثيرا في عدم ترك المنتدى ثانية لأن هذا ماأفكر فيه وهذا ليس استعلاء والله ولكنه احساس بالعزله والخسارة الوجدانيه والى الآن لم اشعر بأني أحد أعضاء المنتدى فليس هناك تقبل في نظري وهذا مايجعلني اعود للمتابعه فقط صدقيني السبب الذي جعلني أكتب هو من قبيل رد الجميل لمنتدى امتعني بمواضيعه ولم ينساني رغم السنين للأعضاء الذين احببت ان اشكرهم واشاركهم من دمعة وله الى عزوز والنزف الحنون وجسار وعنود وصمتي الم وابو سلمان وحوريه وأريج وكل شخص رد على مواضيعي |
| الساعة الآن 12:47 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون