منتدى دمعـــة ولـــه - 【ツ.. يـآلغـلا أدخـلي ولآتزعـليـن ..ツ】< الرجـل السعودي يشرّفـ ..

الي تبي الاجر تتزوج سعودي
إمـم فيه رسالة تتناقلها زوجات سعوديات عن اللي تبي الدلع والكلام الحلو وين تلاقيه. فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي..... واللي تبي الأجر تاخذ سعودي. عاد الأخيره هي الشاهد.

أول شيء أحب أقولكـ يـآقلبي مثل مـآعلينـآ حقوق لنـآ حقوق ..

قبل مـآأبدأ هذي معلومـة رح نستفيـد منهـآ يـآقلبي::

الأرض الطيبة تعطيها تعطيك، وكثر ما تهتم فيها يكون الثمر أطيب

إلى كل إمرأه سعودية تعتقد أنها مأجوره لأنها ماخذه زوج سعودي.....
إلى كل إمرأه سعودية تعتقد أنها فاقدة الدلع مع زوج سعودي.....
إلى كل إمرأه سعودية تعتقد أنها فاقدة الرومنسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومه عاطفيا لأنها مع زوج سعودي.....
إلى كل إمرأة سعودية تبحث عن زوج حق دلع ولا كلام حلو.....

يـآلغـلا إسمعيـني ..

طبعـآ كل هذا بلغة عربية فصحـى ..

إمم للمتزوجـة تجـآوب عليهـآ بينهـآ وبين نفسهـآ واللي بـآقي تحـآسب نفسهـآ قبل لاتتزوج ..

وجـآوبي على الأسئلـة ::

صباح الأمس الباكر؛ من أيقظ زوجك للعمل؟ أنت أم الساعة المنبهه؟
إذا كانت الساعة؛ أين كنت؟
إذا كنت أنت؛ كيف أيقظتيه؟ وبأي صوت نبهتيه؟ وفي أي صورة كنت عندما تفتحت عينيه؟

..

بعد أن استيقظ، ودخل الحمام للدش؛ هل وجد حمامه جاهز؟
..
لما خرج والأمل يحذوه في وجبة إفطار؛ هل كنت جهزت له إفطاره؟
(ولا كوب قهوه وكيكه على المكتب)
..
قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)
..

بعد اللبس (وقت الخروج)؛ هل من مودع؟ ولا أحسن إختاري اجابه واحدة مما يلي:
1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.
3- كنت جالسه بالصاله، وهو خارج قلت له لاتنسى الأغراض اللي وصيتك عليها.
4- رافقته للباب، وكان وداع حار.
( تبين مساعدة، نحذف اجابتين؟ بس المشكله مانقدر نحذف إلا إجابه وحده بس!!!)
..
لما وصل المكتب (طبعا إذا قام يفطر الشباب بالمكتب عرفوا وش انتي من حرمه)؛ هل اتصلتي فيه تتطمنين إنه وصل بالسلامه؟
تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل استقبلتيه؟ وشلون؟
..
بدا ينزع ملابسه؟ هل كنت معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير)
يبي يدخل الحمام وياخذ دش؛ (كرري السؤال حق دش الصباح).
..
بعد الدش يبي استرخاء، رجليه توجعـه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك)
..
الآن يبي غفوه قبل الغدا، هل ساعدتي على توفير الجو الهادئ؟
لما صحي؛ هل وجد الغدا جاهز ولا هو اللي جابه معه من المطعم؟
بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟
..
الآن فتره مستقطعه إلى الليل، وشلون قضيتوها؟
..
بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟
..
خلال الساعتين: وشو الجو اللي عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟
وقت النوم، وانتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم اثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه) < حلوة هذي ههههههههه

....

بإختصار لكل الأسئله السابقه:

.. كنتي أنثى ( < يعني سنعه ههههههه ) مع زوجـك ( السعودي) وعيشتيـه جو زوج وزوجتـه .. ؟!!

طبعاَ هذى مو كل الأسئله المطلوبه من زوجه أنثى، لكن المهم منها والمطلوب حتماَ وحق الزوج فيها..

....

إلى كل إمرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها.
كم مجوع الدرجات اللتي حصلتي عليها؟
0% ولا 10% ولا 50% ؟

طبقي النتيجه على المعلومه الزراعيه التي أعطيتها أول الرساله عن الأرض..
إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟ (الثمره أكيد الدلع والكلام الحلو و... و....) اسألي مزارع إذا احتجت مساعده..!!في النهايه: اتمني من المرأه السعوديه اللي تبي الدلع ما تاخذ لبناني، واللي تبي الكلام الحلو ما تاخذ سوري واللي تبي...واللي تبي....واللي تبي....

كفايه يكون في العالم العربي كله بس السعوديين محرومين من انثى..

معلومة أختتم فيها موضـوعـي:
تعرفون ليه الزوج السعودي يتنـح لما يشوف امرأه متبرجه وتطيح سعابيله..
تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه تتنح بالشاشه..
تعرفون ليه الزوج السعودي لما يتزوج من سوريه ولا مغربيه ولا...ولا...يحس ان فعلاَ فيه جنس آخر بالكون غير الذكور..

لأنه في الأصل عايش مع واحد من ربعه..

منقول من الواقع ..

و انا برأيي الشخصي انه لو فيه زوجة تسوي ما ذكر اعلاه ما راح زوجها يفكر مجرد تفيكر بالزواج عليها الا اذا كان مجنووون او مريض نفسي
وأأكـرر وأقولك
ومع كذا دام عليـنـآ حقوق وسوينـآه مـآظن أنـه هو رح يقصـر ومثل ماعليـنـآ حقوق لنـآ حقوق ..

ملاحظة هامة / الموضوع طرح بهذا الاسلوب كتذكير للمتزوجين و المتزوجات و المقصرين والمقصرات فقط . .

وأنتم يـآتمـآسيح قلنـآ كذا خلاص تسوون نفسكم ملاك لكن مثل ماقلنـآ مثل ماتاخذ لازم تعطـي .. أوكـ ..

بدون زعـل لأنـ هذا كلـه من مصلحتـكم ..