منتدى دمعـــة ولـــه - غلطانه اللـي تعشـق اليـوم رجـال:..مهمآ حلف بالود يبقى أنانــي..~||

منتدى دمعـــة ولـــه (https://www.dm3twlh.com/vb/index.php)

- الشعر وعذب الكلام- Poetry Section (https://www.dm3twlh.com/vb/forumdisplay.php?f=7)

غلطانه اللـي تعشـق اليـوم رجـال:..مهمآ حلف بالود يبقى أنانــي..~||

اليوم لك ثانـي مـع راحـة البـال
وانا بعـد همـي لـه اليـوم ثانـي..

اليـوم تاركنـي اناظـر بـالاطـلال
صورة,, رساله ,,حلم ,,جرح واماني !

ليلي قضيتـه بيـن همٍ وغربال
واقول في نفسي حبيبـي نسانـي!!

غنيت انا عقبك من الضيـق مـوال
يومك تسمـع للطـرب والاغانـي!!..

لي دمعةٍ من فوق الاوجـان تختـال
يومـك تلاعـب مترفـات المبانـي..

وبي عبرة منهـا المخاليـق تهتـال
ياعبرتـي لاتفضحينـي عشـانـي! :

ياعبرتي خلي لـك الصـدر منـزال
لاهوب بـك داري ولاهـوب عانـي!!

مشغول له في ترفة حالهـا حـال
:ماهوب فاضـي لعبرتـي او جنانـي!!

في يوم واحد نستـه كـل الامـال!!
وش عاد لو يدري بشـوق غشانـي؟؟

ماهوب مثل اول هذاك الغـلا زال!!
عزاه كيـف الـود زال بثوانـي؟؟؟؟؟؟

اربع سنينٍ طوال ياكيف تنـزال؟؟
وتحط في قلبك هنـوف مكانـي ؟؟!!..

ماكنت اظنك تجحـد الـود لا طـال!
اثرك على طريـف وتبينـي اعانـي!

قد قالـوا ان البعـد الصـد قتـال
وانـا اشهـد انـه علـة بالمحانـي!!

يومي اشوفك لابس بشت وعقال!!!!
والشارب الاسـود وزول سبانـي..

وعروستك من الحيا ترخـي الشـال:
( وترسل لها بسمـه تزيـد امتحانـي..

دمعي بلا علمي على وجنتي سـال!!!!
اشتقت لـك ليتـك تحـس بحنانـي..

ليتك تشوف الحال يامتلـف الحـال!!
بس التفت لي شـوف شالله بلانـي..

نصيتها تضحـك لهـا لاهـيٍ سـال،،
واقـول ياليتـه حبيبـي نصانـي!! :

الله يادنيـا التعاسـه والاهــوال،،
الله يستر وش يخبـي زمانـي..

(غلطانه) اللـي تعشـق اليـوم رجـال:
مهما حلـف بالـود يبقـى انانـي..

وقلب الرجل مابه من الحـب مثقـال!!
والبنـت ترفـه قلبـهـا مايـدانـي :

حاولت اعبر والقلم في يـدي مـال،،
من هول مابي انعقـد بـي لسانـي!!!..http://up2.m5zn.com/photo/2009/4/29/...d4wdnw.gif/gif

’~’~’~’~’~’~’~’~’~’~’