منتدى دمعـــة ولـــه - ,, زمـن قاسي ,,

ضليت دربي وتايه في زمن قاسي
وصرت اجهل يومي من امسي
جريح وجرحي من اقرب ناسي
دارت بي الازمان وصرت انصدم بنفسي

حرام والله حبيت بكل مافيني
وسبقتني لحظاتي والأيام
اه .. ضاعت كلها سنيني
وانهدمت آمالي وضاعت الاحلام

تعبت وعجزت ولانت عضاي من كثر ما اعطي
وشحب لوني وجفت عروقي وشاب الراس
في عز ربيعي مظلوم وانا ما اخطي
طلعت حجر بالاقدام ينداس .. خساره
وانا الي كنت احسبك حجر الماس

تعبت المشي ضال وملتني حتى خطواتي
حتى ظلي فارقني وبكاني وعلى حالتي شفقان
زمن قاسي فيه حتى القريب يدورها زلاتي
وانا الي وفيت بطيبتي لكل انسان
ياما دمعت عيني وخنقتني عبراتي
لكن وشحيلتي غير اني ازين صمتي بالكتمان

بعز همي وقيض اهاتي ارتجف
وروحي تودعني ودمعها سايل على الخدين
ورجفتي ماهي من البرد
هي من اخرها شهقاتي ويوم قلبي وقف
وصفق الوجه ونضب مايه وجفت العين
متوجه للرحمان هو من بدنياي علي رأف
وهو من بالاخره يحاسبني على كل دين

وشبرتجي بزمن فيه الحجر لان
وتشكل قبال قسوة الانسان
زمن ماعادو الخلان فيه خلان
وصار الثوب الاسود لنا عنوان
زمن نزرع فيه القسوه ونحصد الاحزان
زمن فيه حتى الورود جارحه ومرها الوان
زمن فيه الوفي مجهول وصار خوان
زمن صار فيه الحب تجاره وللمشاعر ديان
زمن فيه الناس تتشمت مثل غربان
زمن ابد والله القسى والجور فيه ماكان على الحسبان

يجيلك يوم وتنتهي يازمن وتجي بعدك ازمان
يوم شمسك تشرق من الغرب احيان
وتغرب من الشرق والفرق شتان
يوم يتحاسب فيه على كل يوم انسان

اسمحولي خنقتني عبرتي وغورقت الاعيان
لكن موبيدي كل هذا من قسى وجور انسان
لوفاي وطيبتي استغل ولعشرتي ابد ماصان
حسبته وحيد لكن طلع معاه صاحب خوان

دمتم بــــــــــود ومحبــــة