ياأول سنين الغلا .. ياأقصى طموحاتي
......................ياأجمل غرام ٍ نشا .. ياروعة سنيني

ياتاج روحي .. ووجدي .. يامحطاتي
......................ياجارح بسيف عشقك .. يامداويني

ياساكن الدم .. يادمي .. ونبضاتي
.......................ياروح روح القصايد .. في دواويني

ياجاذب لحضرتك .. ذوقي ورغباتي
........................ياساحر البسمة اللي منك ..تغريني

يادرب نور البشاير في متاهاتي
.........................ياأوفى رفيق ٍ عرفته .. مايخليني

ياشمس عمري .. منااااااي .. وبلسم آهاتي
.........................ياللي ولافيه غيرك في عناويني

بيني وبينك تطمن والعمر آتي
.........................والله ماأقطع وصال ٍ بينك وبيني

حبي لك أكبر من اللي في كتاباتي
.......................ولااظن يكفي لو انك قلت : يكفيني

بالعين أشوفك توجه كل نظراتي
.......................وأقول : ملكك تدلل .. يابعد عيني

القاك من وين ماامشي .. فااتجاهاتي
........................وأثرك فكل اتجاهاتي .. تمشيني

أوقات عمري بدونك .. ماهي أوقاتي
......................سبحان منهو..جمع دينك على ديني

للعمر لذه ..وقربك فيه لذاتي
.....................أنساك لحظه وأقوم أذكْرك في حيني

حابسْك في خافقي .. حبسي لدمعاتي
.....................لاصرت ضايق..وأخاف الدمع ينهيني

سادات سيدي .. لاوالله .. سيد ساداتي
......................خذ راحتك .. أنت .. آمرني وناهيني

أشعل ضلوعي .. سرور ..ان شفت ضيقاتي
.........................خل الفرح في شتا همي يدفيني

انت البدايات .. وانت .. اخر نهاياتي
.....................من يوم ناعم يدينك..شابك..إيديني

ياصعبها لو تغيب .. وبعدك آحاتي
....................بكون عايش..ولاادري..وين انا ويني ؟؟

أنسان ضايع والملم .. باقي شتاتي
......................أشكيك للوقت .. والأوقات تشكيني

أبختصرها .. ولو طالت بك .. أبياتي
......................إنك تساوي غلا .. ربعي .. وغاليني

لأني قبل مااْعرفك ..وأبدى علاقاتي
......................أحس أعرفك..!! وأحسك مني وفيني !!

منقـــــوٍوٍله .لــــعيوٍوٍنهآاٍاً
.
.
.