منتدى دمعـــة ولـــه - {حسبت أشوآقنا غآبت وخآبت فيك هقوآتي ..~

منتدى دمعـــة ولـــه (https://www.dm3twlh.com/vb/index.php)

- الشعر وعذب الكلام- Poetry Section (https://www.dm3twlh.com/vb/forumdisplay.php?f=7)

- - {حسبت أشوآقنا غآبت وخآبت فيك هقوآتي ..~ (https://www.dm3twlh.com/vb/showthread.php?t=13887)

{حسبت أشوآقنا غآبت وخآبت فيك هقوآتي ..~

أنا اللي يا بعد عمري بقول آسف ولو ما أخطيت
لأن أكـبر خـطا منـك صـغـير بـجـنـب غـلطـاتــي
أبــد مـانـي قـايـلك تـرفــق لـيـه وــش ســويـت
قل اللي ودك بقلبك تقوله واترك سكــــاتي
عسى الله لا يعافيني إذ من هرجك انغثيت
سكت من الخجل و الله بـلايـا خابر سواتي
تفنن يابعد روحي بطعناتي واذ حسيت
بقايا عرق يتنفس بصدري تزيد طعناتي
ما دامه صح كل اللي تقوله فانت ما زليت
واذا زليت هالمرة نسيت وش كثر زلاتـــــي
نسيت أنك تنسيني الزعـل كله إلا من جيت
مجرد ضحكة عيونك بنظرة تجمع شتــــاتي
نسيت وش كثر تغليني كم لك وانت ما مليت
نسيت أن الوفا منك يذكرنـــــي بخيانــــــاتي
نسيت الله يوم أنك علي من الزعل غنيت
حسبت أشواقنا غابت وخابت فيك هقـــواتـي
عجزت أنطق ولا كلمة بلحظتها سوى يا ليت
يجي لك يوم بإذن الله وتقراها مع أبــــياتـــــي
هذاني جبتها شفني وازيدك من الغلا لك بيت
مادام انه القصايد فيك لســـــه فــــي بدايـــاتي
أحبك إيه أحبك إي أحبك آآآه لو عديت
من الآحاد من الآلاف تملئ كل خانـــاتي
حبيبي لا تحاسبني وانا ياما عليك أخطيت
ترى لو مـت بديـــنك غفرلي صــدق غــايــاتي

للشآعر // خلـف المشعآن