** الأ ســـ,,,,,,,,,ــــامــ,,,,,,,,,,ــــي **

بنت ياللي مهديتني .. نـزف شـاعر بالحروف
أشكرك وعي يوفي .. شكـري حـق المذهلـه

من سروري لعـبوا سامر.. واضربوا هاك الدفوف
مرحباً في مرحبـا .. وألفيـن أهـلا مسهـلا

أنت لك باقصى الضمايـر .. منزل في وسط جوف
من على بابه حروف ٍ .. باسمك أنتي مسجلـه

يا أحاسيس المـودة .. يارفـا قلب الشعـوف
كيف أعبر عن شعور ٍ .. مدله ٍ قلب أدهلــه

الله درى بالحال كله .. من خيال ٍ في طيوف
والمسأله ياكيف تاجد .. حل جذر المسألـه

والحقيقه في قصدي .. أحكي شيء من الظروف
والحقيقه مافهمهـا .. كـود راعي المشكلـه

والغزل في نظمنا .. ما انقـده راعي الصـروف
ميـر عند البعض منـا .. السيـوف مسللـه

هذا وأن رديت قـاف ٍ .. ماحكموا بشرع ونصوف
وارفعوا رايـات حرب ٍ.. ووقـتـوا لك قنبلــه

والهوى وأهل الهـوى .. والبخيص اللي عروف
ذاك يقراهـا بمعنى .. من كتبهـا ومـزملـه

ميـر اللي يحتريها .. من خطـأ غيره شفـوف
يطمس المعنى سموم ٍ .. من خناجـر معملـه

أعترف بأني عليمي .. كان يكفي اللي يحـوف
وماهو عيـب لو جيتني أنت .. بادي ٍ المنـازلـه

ومن طـروق النظم دور.. القوافـي والصفـوف
مايعيب تاريخ شاعر .. لو خسـر له مسـاجلـه

والشعر منطوق ومعنى .. يحتمل قصد وطهوف
لا تعجل بحذف لحصاتك .. ثم تعـود مسربلــه

ولا تحيك المعنى معنى .. ثم تردى بالجروف
وش يفيـدك جر حبـل ٍ .. آخـره مـا تـزهلـه

والموهبـه يعطيها ربـي.. للبطارا والضعـوف
ما يخـدم الشاعـر خويه .. بمـدح والا مجاملـه

وخـلاف ماينفعك ياللي .. بالحسد باني حتوف
وياكـم شاعر بالنوايــا .. لـزه هـم ٍ وأقتلــه

واللي قرأ _ يقراها واللي .. شايف ٍ ما انا اشوف
من هوذا اللي له أنادي ؟؟ وبالقصيد أغازلــه

وأتبعه من حيث يمضي .. واقرأ أورقه وأطـوف
بكل معنى وكل جملـه .. وكل بيـت ٍ يفتلـه

أسمه مابين الأسمي .. النثـيره بذا الولوف
او بمعنى بيت حاضـر .. والبيـوت مشكلـه

المشاعر والخواطر .. عـدة أشكال وصنوف
في حروفـي كل حروفي .. أساله وأقـول لـه

المـوده هي جريمـه ؟؟ في هـوى ساره ونـوف
او رجاء قلـب المولـع .. مهـزله في مهـزلـه

ياشذى يا ورد نسمـه .. يا أريـج ٍ ياهنـوف
ياأصايـل يامثايـل .. ياجمـال الأخيــلـه

ياشجـون ٍ يافتـون ٍ يامـزون ٍ ياصـدوف
ياأمـل ياليـل قمـره .. ياشهد صافي حـلا

يامنـاتي لك حيـاتي .. مقدمـه فوق الكفـوف
يا هيـا زديني أنتـي .. الولـه فوق الـولـه

منتهى آمـال حبي كلمـة ٍ من غير خـوف
عايشـه كل الأمـاني ..في هواك مكبلـه

يانغـم أحـلام بسمه .. ياربى عطـر الريـوف
ياسماهر ياسميـة .. والعـيـو ن مكحلـه

آه ياشوقي ووجـدي .. أمتعلـق بالقنــوف
سلـوة العاشق وصال ٍ .. للرشـا دون المــلا

الجوازي سيدها ..حنـان حسك يا عطــوف
عواطف ٍ لك ماجـده .. والشمايـل كاملــه

كمله ربي بعلم ٍ .. زاخـر ٍ ينـزف نـزوف
المهـا والريـم منبع .. والفـكر هي منهلـه

ياغـلاة الـدانة اللي .. ما يوازيها وصوف
بـارق ٍ مـاسـة أميـره .. من صدفها تذهلـه

يا جـواهر ياهنـادي .. يا شموخ ٍ يارهـوف
لـدن أغصـان المـوده .. للمنـى هي مايلـه

نور يانـوره تشعشع .. ثم سطع فوق (الهفـوف)
ومن شعاعك( نجـد) قالت .. ياهـلا بك ياهـلا

والجنوب وأهل (السلـيل) في (تهامـه) لك هتـوف
ياشريفـه دل وضحــى .. اشهـد أنها مدللـه

وبالهـدى بك ياهـدى .. أهل (الهـدا ) لك ماتعوف
وكل من يسكن بـ( جده) فاتــح ٍ لك منـزلـه

وكل من هو بأرض ( حايـل ) مرحب ٍ بك ياهيوف
أهـل الطنايـا بالوفاء .. والطيب عنوان لـ( هـله )

و(الخبـر) و(الثقـبه) و(الدمـام) دايـم لك تسـوف
من سـوافي الـود نرجـس .. فل نــود ٍ تحملـه

واختـام قافـي والقصيده .. ما بغيناها عنـوف
يا أسيـل الخـد شعوري .. ما أظن بك تجهلـه

ثم صلى الله على اللي .. هو شفيع اللي وقـوف
أمـة الهادي ( محمـد ) يـوم وقـع الزلـزلـه

وسلامتكـــــم bye1

ابو تركي

صح لسانك ولا هنت قصيده اكثر من رائعه
استمتعت بقراءتها كثيرا
لذلك استبيحك العذر لاني جعلتها في احدى ملفات حياتي
كي احتفظ بها الى ابد الابدين
وتقبل مروري واحترامي

اخوك
فيصل الشهري