قصه كلامي شفتها عصر الاثنين


معها ولدها مادرى بالأنيني


وقفت اطالعها ودمعي على العين


اذكر زمان فات بينه وبيني


يضحك ولدها وقلت اهلين اهلين


بصدري اضمه وماسكه في يديني


اضحك معه والقلب يبكي على الزين


][عــــمره سنه والــحـــب سبعه ســنـــيــني][


اضحك لعمك قلت لا لا ترجين


يضحك لبوه وامه والاقربيني


قالت قريب وقلت ارجوك تكفين


صديت وبقلبي قلت وينك وويني


صاح الطفل وتقول اصبر علي زين


وهي تطالعني بنظره حنيني


صار الولد لعبه مابين أثنين


مابين أم وحب اصبح دفيني


ياسعود قلبي في هوا البنت للحين


وين الطريق اللي ينور بعيني


صعبه تصفق بيد لازم بيدين


صار القدر بحبه مثل اليديني


اهــــــــــــــــ




تقبلو تحياتي


اخوكم


عزيز النفس

جبت القلم وكتبت من الشعر قافين=للي شكى من غرامه سنيني
الناس والدنياء دين على دين=والصبر ورث .. فـ حب الغايبيني
هذا كلامي واسمعه حين بعد حين=قبلك شكيت المر من العاذليني
يوم الفؤاد يملكه داعج العين=ومات وتركني بين همي ويقيني
عقبه صبرت صبر ايوب ومابها شين=الله يعوض صبر كل الصابريني
عشقك يا(سعد) لها صدق حرفين=حرف( عزيز النفس )وحرف بعيني
اخبر زمان طاف والناس سالين=ماحدا عرف ذاك الوفاء والحنيني
واليوم وانا عمــك عوض ربنا زين=عوض(نّ) بمن تسوى كل العاشقيني
اسمه من الأخلاص والصدق وافيــن=قلبي عرفها قبل عرف اليديني
وصلاه ربي عدّ ماطافو ملبين=على النبي محمد خير المرسليني

يعطيكم العافيه كل اللي مروا على موضوعي والحقيقه انا انقطعت عن النت اكثر من اربع ايام واسف على التاخير


يابو سعد قلبي من العام نصفين



نصفٍ خذاه الموت ونصفٍ دفيني




اخوكم



عزيز النفس

صح لسااااانك


جزله من جزل

الله يعطيك العافيه

تحياتي لك