منتدى دمعـــة ولـــه - قصة حقيقية توفاه الأب وآلام السبب الحسد

انا بنت وحيده علي اولاد .تخرجت من الجامعه من سبعه سنين وعاطله اقضي وقتي مع بناتي الصغار وامي وابوي .اروح لامي وابوي يوميا بحكم انهم ساكنين في نفس الشارع .اراد الله وتم تعييني في الجنوب في شهر ذو القعده 1436 واخذت امي وابوي معايا لان اخواني يشتغلون بعيد عن مكه .رحنا وكانو مبسوطين من وظيفتي ويدعون لي .بعد ثلاث شهور نزلت رواتبي وفرحنا وقلت لهم وين تبون امشيكم ابغا اسعدكم دام اني حيه وما ابخل عليكم
قالت امي ودينا مصر اخوك هناك نتمشا سوا ونشوف لابوك دكتور عظام زين .لان ابوي مقعد من 3 سنين قلت ابشرو وقبل احجز رحت اعلم المديره عشان تحسب لي خمسه ايام اضطراري .وقالت طيب وقلت بسافر امشي امي وابوي مصر انتشر الخبر والكل عرف اني مسافره مع اهلي لمصر وكانت امي فرحانه حبيبتي طبعا انا اي احد يسال ليه مسافره اقول بمشي امي وابوي الله يخليهم لي والله ان بعضهم حسيت في عيونهم الغيره والحسد بس ما توقعت الامور توصل للي وصلت له .سافرنا يوم الخميس الظهر وصلنا مصر علي العصر ورب الكعبه من يوم وصلنا وانا دمعتي ما وقفت
امي حبيبتي تشتكي من بطنها وكل شوي حالها يتدهور استفراغ واسهال ودوخه من الليل الخميس لين الجمعه الظهر وهي تتعب اكثر والسكر وصل 600 .علما ان امي طيبه مافيها شي ونشيطه بس معاها سكر وضغط ومنتظمين.يوم شفتها تعبت كذا وديتها المستشفى قالوا لازم تدخل العنايه المركزه لان السكر مرتفعه وكمان التحاليل تبين انه في تسمم في الدم الكلي وقفت والكبد واشياء وراء بعض لاحول ولاقوة الا بالله .دخلت العنايه اتضح في التصاق في الامعاء ايش السبب لانعلم وهي ما اكلت شي بمصر علي اكلها في الطياره ومويه فقط .قررو عمليه عاجله قلت برجع السعوديه قالوا لازم اخلاء طبي ووضعها محرج قررو بسرعه .اجرت العمليه السبت الصباح شق طولي في البطن وطلعت تعبانه وعلي اجهزت تنفس صناعي لمدة اسبوعين ووضعها كما هو فقط الكلى اشتغلت ..ابوي في الشقه شايل همها وخايف عليها اسبوعين في مصر امي في العنايه وابوي الاسبوع الاخير تعب علينا وجبنا دكاتره له وقدر الله يتعب اكثر وانا بين نارين امي التعبانه وابوي التعبان ويوم السبت الظهر يموت ابوي الله يرحمه حبيبي قبل يموت بكم ساعه يسالني عن امي
واقله طيبه وهي الله عالم بحالها مات حبيبي لا انبسط ولا اخذ من راتبي ريال
كلمنا السفاره وخلصنا الاجراءات وتم نقل الجثمان الي جده ومن جده لمكه لدفن واخذ العزاء ونرجع انا واخوي لامي حبيبتي .مات السبت الظهر والرحله للسعوديه اخر الليل .زرنا امي وكانت جدا تعبانه دخلت وقلبي محروق وينزف دم ضحكت وسلمت عليها وقلت حبيبتي لا تفقديني انا واخوي بنروح السعوديه ارفع اجازه من العمل ونجلس شهر شهرين لين تتعافين وامشيكم انتي وابوي ولا تخافين كلنا بخير وابوي معاه حرمت اخوي وهي تهتم فيه وبتزورك يومين ونرجع .اشرت بيدها مع السلامه ضميتها وشميت رقبتها وسلمت علي كل جسمها ورجلها وقلت لها سامحيني ماودي اتركك بس مضطره .وقلت لها اذكري الله كثير وطلعنا من العنايه المركزه وجهزت اغراضي واخذت بناتي ورجعنا مكه ابوي راح معي طيب ورجع في صندوق .دفناه الاحد الظهر وتم العزاء اول يوم اتصل علي حرمت اخوي انشدها عن امي تقول طيبه .يوم الاثنين الظهر كلمتها .وقالت امك مررره تعبانه قلت حطي الجوال عند اذنها قلت لها يا يمه الله يخليك لي ويجعل يومي قبل يومك سامحيني يا قلبي ياعيوني ما تقدر تتكلم
ودخلت الحرم ودعيت ودعيت ودعيت امشي وامسك الحريم اقلهم ابوي مات ادعو له وامي في العنايه المركزه ادعو لها رجعت البيت بعد العصر لقيت وجوه خالات غير وبناتهم قلت كيف امي سكتو قلت لبنت خالتي كيف امي في شي جديد قالت الله يصبرك ويعوضك انا لله وانا اليه راجعون .ومايحتاج اكمل قصتي رجعت امي مكه في صندوق مثل ابوي .العزاء متواصل سته ايام .اللهم اجرني في مصيبتي واخلفني خير منها .كتب قصتي وطلبت نشرها لسبب واحد العين حق وامي وابوي ماتو بسبب عين وحسبي الله ونعم الوكيل .الله يصبرني .دعواتكم لامي وابوي .اسال الله ان يتقبل امي شهيده ..
تخيلو الآن قدمت اعتذار من الوظيفه العين حق اختمو اعجابكم بقول ماشاءالله
قصه حقيقه
💔الله يعين العالم ما تخاف الله. منقول