لاحياة لمن تنادي!!!
 

كان تبغى بالعسير وكان تبغى القاف هادي
القوافي ماعصتني كيف تعصى القاف اهلها
مادريت البيت ياتي لي رضى ولا عنـادي
ومادريت ان المعاني ماتجي شخص ٍ جهلها
وانت خابرني وانا خابرك يالمجمول غادي
تحسبن الحب لعبه كل من جاهـا حملهـا
مادريت لكل درب اشكال وسلوم ومبـادي
ولا يغير ماقفي بشفاك لو يقطـر عسلهـا
ابتعد كانك تحسب الشوق يكبـر بتمـادي
لاتقرب شل محبتك العنيـده وبـك شلهـا
يوم صار الوصل ياخلي شبيهـن للبعـادي
قطع ياقلب ٍ عقب هذي تعنا ثـم وصلهـا
والله اني لحرقه بنـار والحقـه الرمـادي
ماتموت النفس دايم قبـل ماياتـي اجلهـا
لاتسلهم بنواظر عفت حتى اللـي مـرادي
ومابقى غير الوداع وهاتها ياتـرف قلهـا
باتصبر والصبر تاليـه خيـر وذا وكـادي
والهموم اتروح ماترسـي ولايبقـى خللها
واهجاد القلب كان الناس مثلك واهجـادي
خاسر اللي بالمحبه مثل هذي هـو قبلهـا
مايفيد الهرج معك ولاحياة المـن تنـادي
بانت الصوره وعذب الماء تخالط مع وحلها
ليت ماشفتك وليت الحظ ماجابـك بـلادي
ليت مثلك مايسود وليت ربي هـو عزلهـا
دام من شرواك لو يرفع يوطيه الشـدادي
ماتعود بالعـدال ولايحـب اللـي عدلهـا
اقفل الموضوع كله دام كذب الليـل بـادي
اقفله وابشر بقاف ٍ عقب هذي هو قفلهـا

للشاعر : مشاري بن جلوي

اقفل الموضوع كله دام كذب الليـل بـادي
اقفله وابشر بقاف ٍ عقب هذي هو قفلهـا

اخوي العراقي سلمت يداك على النقل الرائع

ودمت لنا ودامت اناملك تقبل مروري