وحشتيني قليلة لو أقول أنّك وحشتيني
أحسّ بداخلي أشياء كثيرة صعب أترجمها

أحسّ أني ضميتك زيّ ماأنتي عطشتيني
وأحسّ أنّا أرتوينا من محبّتنا وعالمها


أحسّ انّي معك أحيا وأحسّك صدق عشتيني
وأحسّ أنّ الغلا كلمه تمر البال وأفهمها


تمادى بي غلاك وكم تماديتي وطشتيني
تعب قلبي وقال أحسن لينه هذي مخاصمها



تعالي لعنبو هذا القطع دامك همشتيني
تعالي وأجمل اللحظات بالدنيا نتقاسمها



وربّي طوّل غيابك أخاف أنّك طفشتيني
وأنا بي عبرةٍ أزريت فيها كيف أبكتمها



عدد كلّ النجوم اللي تشوفينه وحشتيني
عيونك وحشوني جعلني يابنت ماعدمها


وحشتيني قليلة لو أقول أنّك وحشتيني
أحسّ بداخلي أشياء كثيرة صعب أترجمها