|
****يا معذبتني****
****يا معذبتني**** يامعذبتني ليه هذا الجفا ليه وأنتِ تضمين الثرى من ظلالي وش ذا الغرور الله يّحمد تواليه من وين جالك هالكبر والتعالي تعالي انتِ دام كلٍ وماضيه الحب ماهو بس حقي الحالي لا تذبحيني بالعتب والمشاريه والله مابيدي سوى راس مالي معزتك وايضا القصيد ومأسيه والضيف لا جاء والحطب والدلالي وعن حلفي اللي قلت طيرٍ يعشيه كفه ليا بردت عليه الليالي يعني ثلاث اشياء املك من التيه لساني.. وقلبي.. وطنخة عقالي أدعيك في كل اسمٍ يسمونكِ فيه يا أم الحسن وأم الترف والدلالي عودي لقلبِ صار ماعاد يمديه يرقّع اللي راح يا هملالي وإذ أن قلبك وده انه انا ادعيه بإسلوبٍ افضل يرتقي للمعالي ممكن أحاول اتحضر واناديه واقولله اذا تحسن مقالي ياجمرة الوجد المسمى وطاريه ويا عقد باحجار البحر واللئالي اليا ظهر بدرك مع الليل اسريه واليا اختفى ماعاد صبحي مثالي أساور الشك الطبيعي واناجيه وارقى على رجوم الغلا في خيالي افارقك في ليه والقاك في ليه واحيان احسك ما أنت داخل مجالي احيان احسك شيء واثرين طاويه واقاسمك والقى حلالك حلالي اقتل خيالك واتحسف وابكيه وارثيك واثرك من عيوني قبالي وازعل واخونك واذبح القلب واسقيه وازعل على نفسي وادور بدالي متضاربٍ بين الغلا والمتاييه ضايق واحس ان الزمن ماصفالي واذا تركتيني اقول اللي ابغيه بقول لك انك سبايب هبالي خلي فؤادك لايكثر تغليه يسرع يجيني قبل اشد الرحالي الخاطر اللي ماتوسع مفاليه ماهوب متحمل على كل حالي لا تحسبيني من عروقي اغذيه طبعي جنوبي لو غدا اصلي شمالي طرح الكريم اللي وساعن مذاريه ما ينتهض الا يشيل الثقالي من عرض عصمان الشوارب تواليه اللي اليا غارت تدك الجبالي وانا من فروخ الصناديد ياهيه اعمام والا لنجذبت لخوالي ابسط نداءتي الى قالوا البيه ومن أصغر القابي طويل السبالي مغرور فعلاً واعترف لك ومافيه عيبي اني افخر وافتخر في فعالي لو قلت لك ياهيه ردي بلبيه ولو طال بالك شر بيطول بالي كذا نحل المشكله والمشاريه واضمن لك انك تاردين الزلالي |
رد: ****يا معذبتني****
لا تحسبيني من عروقي اغذيه طبعي جنوبي لو غدا اصلي شمالي طرح الكريم اللي وساعن مذاريه ما ينتهض الا يشيل الثقالي الله الله على القصيد كلمات في غايه الروعه يعطيك العافيه اخوي همس تقبل مروري |
رد: ****يا معذبتني****
الرائع مروركـ أشـــكر تــواجدكـ |
رد: ****يا معذبتني****
∫ همس الخيـآل ∫..}
يسسلمـو على القصيدة كلمـآتهـآ قمة في الروعة لاتحرمنـآ إبدآعكـ خيو .. وًديُ لـ/ قلبـكً http://forum.upkelk.com/images/smilies/0012121.gif |
رد: ****يا معذبتني****
اقتباس:
مشكورهـ على مروركـ |
رد: ****يا معذبتني****
همس الخيال كلمات رااااااااااااائعه جداااااااااااا بس ابسألك هي كلمات من ؟ ابو سلمان |
رد: ****يا معذبتني****
كلمات في قمه الروعه سلمت اناملك على النقل المميز
|
رد: ****يا معذبتني****
همــس الخــيآإل زلال الحرف ومداده رذاذ وصفه وبهائه تمادى كل شطر عن اخر شطر ولكنه تمادي الجمال لقد اضعتنا فى سماء ابداعك و تهت بنا فى مسارات جمال كلماتك احتلت كلماتك الزاويه الاكبر في خاطري ننتظر كل جديدك بكل شوق |
رد: ****يا معذبتني****
كلمات كلها في منتهى الروعه
سلمت يداك |
رد: ****يا معذبتني****
كلماات رووعه وحلوه
يعطيك ربي الف عااافيه دمت بخير دومااا |
| الساعة الآن 01:57 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون