منتدى دمعـــة ولـــه

السلام عليكم ورحمة الله وبركاته

اطرح بين ايديكم هالقصيدة
وأتمنى أن تعجبكم وتحوز على رضاكم

"جور الزمن "

توني دريت إن المحبة توافيق
000000000000000000ماهو كفاية يا أريش العين توفي

لي صاحبٍ يسوى جميع المخاليق
00000000000000000ساكن بوسط العين مدري بجوفي

جور الزمن حطم جميع المواثيق
0000000000000000000وخذا حبيبي والنواظر تشوفي

أبكي وموق العين دايم مغاريق
0000000000000000000طول الليالي دمعتي في ذروفي

وأسهر وأنوح وبي جروحٍ محاريق
00000000000000000 تشكي الليالي وقسوةٍ من ظروفي

غابت شموسٍ في حياتي مشاريق
00000000000000000وغدى القمر طول الليالي كسوفي

جرح المحبة ساطيٍ في المعاليق
0000000000000000000وبين الحنايا طعنةٍ من سيـوفي

حملي ثقيلٍ ياجماعة ولا اطيق
000000000000000000شيله وهو متعب متوني وكتوفي

يشتاق طير الحب يبغى التحاليق
00000000000000000000لكن جناحه عالقٍ في كفوفي

مسكين طيرٍ فاقدٍ له مسابيق
0000000000000000000وأول جناحه بالعلالي رفـوفي

مليت يا دنيا العنا والتلافيق
0000000000000000 تمشي الليالي عكس ماهو شفـوفي

وشوف الحبايب يجلي الهم والضيق
000000000000000000 يـرتاح بالي وينجلي كل خـوفي

عقب الحبايب حالمٍ بلة الريق
000000000000000 وأروي ظما قلبي وروحي وشوفي

يالله يا رحمن رب المخاليق
0000000000000000000 ياواحــدٍ دايــم علينا عطـوفي

ترحم عيون اللي حياته تزاهيق
000000000000000000 حـزنـه وهمـه باينٍ ً بالحــروفي

وتقبلو تحياتي

حززين الحرف