|
لا تغفل عن الرقم 940
لا تغفل عن الرقم 940 سالفة صارت أمس وقفت عند احد مطاعم الفلافل وأنا كنت انتظر الطلب وقف راعي سيارة ونزل وطلب الشاب سئل العامل السوري ليه لابس قفاز واحد جاوب السوري هذا اشتغل فيها وهذا أحاسب والعامل السوري وهو يتكلم كان ماخذ الخبز بيده اللي بدون قفاز وحطة على الطاولة وقال الشاب وهو يضحك طيب ليه تمسك الخبز باليد اللي ما فيها قفاز السوري أنحرج وصار يبرر تبريرات مالها معنى وقال الشاب المفروض اللي يشتغل ما يحاسب يكون واحد ثاني وأنا في ذيك اللحظة قلت فيه ذباب وخره عن الصواني وقال الشاب شف هذا زبون يقول عندك ذباب في المحل والعامل السوري شوي بيقوله مالك دخل تبي تأكل ولا اطلع برى والشاب طايح فيه أسئلة المهم من ظمن الأسئلة اللي كان يسئلها وهو يضحك سؤال حسيت السوري منجد بينفجر وسؤال هو ليه منت مغطي شعرك وراح الشاب من ورى الكونتر يعني دخل عنده وارتسمت على وجه العامل علامة استفهام وتعجب كبيره وقال معك مفتش الصحية وتعال شوف وجه العامل من زود ماهو احمر من النار يوم سمع كلمة مفتش الصحية صار وجهه تقول طماطة وشهب وجهه في نفس الوقت المهم أن الرجال دخل المطبخ حقهم وصار يعطي الملاحظات وطلع واحد من العمال مجروحة يده وقال لا أشوفك هنا إلا لما تعالج جرحك وسئل العامل الأول أبو وجه احمر مشهب عطني شهادتك الصحية قال ما معي قال اطلع برا أنت وياه المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد كله عشان مصلحتكم ومصلحت الزبائن لو الواحد جاه تسمم أو أي مرض انتقل عن طريق العدوى راح يدعي عليكم ويوم طلع الرجال قعدت اسولف وياه عن بعض المطاعم اللي تحتاج مراقبة فقال لا تتردد أي مطعم تشوف علية ملاحظة اتصل على 940 وعطهم اسم المطعم والشارع واترك الباقي عليهم وكان معه ورقة قال شف هذي الورقة هذا اسم المطعم وتاريخ التبليغ والملاحظات اللي علية وها أنا جيته وشفت وش صار بعينك يا جماعة عليكم بكل مطعم أو بوفية أو مخبز أو غيره تجدون علية ملاحظة تبلغون أنا أول ما كنت مصدق فيه مفتشين أقول كلام فاضي ما فيه رقابه ولكن شفت بعيني ومن اليوم راح ابلغ عن أي مطعم عليه مخالفات |
رد: لا تغفل عن الرقم 940
عطري انفاااسك جزاكـ الله خيرآ ويعطيك ربي الف عاافيه ع التنبيه دمت بحفظ الرحمن |
رد: لا تغفل عن الرقم 940
شاكر لك عطري أنــفــآسكـ هذا التحذير لعل الجميع يتبع ما قلته ويتفادى هذه الأمور للمحافظة على صحته كثيرا ما رأينا هذه الحالات وتغاضينا عنها دمت سالما تحيتي (نوووفه) |
رد: لا تغفل عن الرقم 940
اقتباس:
1000 شكر لتواجدك الرائع حلا وثقل |
رد: لا تغفل عن الرقم 940
اقتباس:
حياك الله نوفه 1000 شكر لتعليقك الرائع |
رد: لا تغفل عن الرقم 940
يعطيــك ألفـ عـآفيه ...
عطري أنفـآسك .. يسـلمو على الموضوع .. |
رد: لا تغفل عن الرقم 940
دلوعة الريااض الله يعافيك اختي على التواجد لا عدمنآك |
رد: لا تغفل عن الرقم 940
جزااك الله خيراا
موضـوع جميلــ و آنتقاء رآئــع آدام الله لك السعــــاده ودي ورحيق عطـري </i> |
| الساعة الآن 01:40 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون