منتدى دمعـــة ولـــه

السلام عليكم ورحمة الله وبركاته

اطرحها بين ايديكم وكلي امل ان تنال اعجابكم

*·~-.¸¸,.-~*يا هاجري*·~-.¸¸,.-~*

اسهر ومسهرني هوى ليـن العـود
.............طفلٍ حـرم عينـي لذيـذ المنامـا
شكيت منه الحمر والبيض والسـود
...........وشقرٍ على الخصـر المعـزل توامـا
وعكشٍ تشرع بالحجاجيـن وورود
............محاجـرا تفضـح رهيـف اللثامـا
وعنقٍ مرق عن لبة التـرف ونهـود
............وخصرٍ هضيـمٍ كـن فيـه الهيامـا
وردايفٍ منها فضا الثـوب مشـدود
............ليا مشى تطوي السلـب للحزامـا
لا واه أنا مذبـوح عمـدٍ ومجحـود
.............يازيـن مـا بينـي وبينـك مدامـا
وحياة من في رادتـه هبـت النـود
.............انك جرحت اللـي حنينـه اريامـا
ما حق ياترف الحشا حب وصـدود
.............وعلام تسكت مـا تـرد السلامـا
كانك تبي تبريـر للحـب وشهـود
.............انظر بعينـك فـي دمـوع تهامـا
وحالٍ نحل من حبكم كنـه العـود
.............ونفسٍ تصـوم بغيـر نيـة اصيامـا
لا يا حبيبي ويش حدك على الكـود
.............ماانت بعمى وشلـون عنـى تعامـا
ان كان منك العطف واللطف مفقود
..............ذبح المحـب بغيـر ذنـبٍ حرامـا
يا هاجري ما في اشرف الوصل منقود
..............عدني كمـا عـود الولـي لليتامـا
بزيارة تطلـق مـن الحـزن ممهـود
.............في قلبي اللي لـك بوسطـه مقامـا
عليه تشهر سيف الألحـاظ مجـرود
..............وإليا تعطف لـك علامـك تسامـا
كانك تعرف الـود مانيـب داوود
..............التسـع والتسعيـن غيـرك حرامـا
وش ذنبه إلا انه بالأتعـاس موعـود
..............في حبك اللي مـا قضالـه مرامـا
وبيت القصيد اللي من القلب مشيود
..............حرام مـا يزهـاه غيـرك وسامـا
وشعر الغزل تزهاه يا باشـة الخـود
...............يا فاضـحٍ بالنـور بـدر التمامـا
لك الغلا يا جوهرة نجد يـا نجـود
................حوريـةٍ مـن حبهـا مـا يلامـا

وتقبلو تحياتي

حززين الحرف