|
حقيقة حادث روان على لسان اختها دانه
السلام عليكم ورحمة الله وبركاته كيف حالكم يااعضاء انشالله بخير وصحه وعافيه قبل كم يوم وصلني بالأيميل يتكلم عن الحادث اللي صار بالبنت روان اللي يقولون انها هي اللي تسوق وصار لها حادث بسبب السرعه وتوفت مابي اطول عليكم هذا الأيميل واصلني نصاً -------------------------------------------------------------------------------- ( يا شعب سعودي يا متخلف!!!! ) <<< من أولها والله قويه :zx: بسم الله الرحمن الرحيم .. ربّي ان ( روان) نزلت بك .. و انت خير منزول به .. و أصبحت فقيرة الى رحمتك .. و أنت غنيّ عن عذابها .. آتها برحمتك رضاك ..!! بما انك فتحت الايميل .. فأتمنى ما تقفله الا عند آخر حرف .. عادة .. لما أكتب ايميل أو أي موضوع .. أعتذر عن ركاكة أسلوبي .. لكني هالمره ما راح أعتذر .. لأن الناس الي قضيت عمري كله أهتم لمشاعرهم .. و أحرص على اني ما أجرحهم .. كلوا لحم أختي – في الله - .. و ما حشموا ترابها الي للحين ما نشف !! ماتت روان فجر يوم الأحد الماضي .. ماتت و ما درت انها تركت وراها ناس مكسوره و حزينه على فراقها .. و ناس ( أو مع احترامي أشباه ناس ) يغتابونها و يشوهون سمعتها .. ناس ما عرفوا حرمة الميّت .. ناس ذممهم وسيعه .. ناس للأسف ما يخافون الله .. ناس ألسنتهم تلوك و تلوك .. و تتكلم بكلام ماله أساس من الصحه .. و عند نهاية المجلس .. تقول ( الله يستر عليها .. اللهم لا شمات ) لا ستر الله عليهم في الدنيا و لا في الآخره .. ماتت روان .. ولمن تهمّه القشور .. و يبحث عن القصص .. و الجديد .. راح أكتب القصه .. القصه الي احنا نعرفها .. مثل ما نعرف بنتنا روان !! روان طلعت مع أخوها في السياره .. و في أحد الطرق العامّه .. قضى الله على سيارتهم أن تصدم في عمود الاناره .. و صارت الضربه القويه على جانب روان .. و هي في نزعها الأخير .. طلع أخوها من السياره .. عشان يكلم أهله .. و لمّا رجع .. لقى مجتمعنا الراقي .. مجتمع حولها ليحكم من النظره الأولى .. يشمت .. و يتبلّى .. و يألّف قصه جديده في راسه .. عشان يرجع البيت و يحكيها لأهله .. كثر الكلام عنها .. كثر الهرج و المرج .. قالوا أنها كانت تسوق السياره لحالها و في سرعة جنونيه .. و احنا أعرف في بنتنا منهم .. و نعرف أن روان أصلا ما تعرف تسوق السياره بالدرجه الي تمكنها من أنها تطلع في طريق عام .. و بسرعه جنونيه بعد !! قالوا انها علمانيه .. و منفتحه ..!! حكموا عليها .. و نسوا ان الله أعلم بالنيّات .. نسوا ان الي أخذ روان بالهوقت .. قادر على أنه ياخذ بنتهم و يفضحها ! مؤسف الكلام الي سمعناه أيّام العزاء .. ناس ما احترمت أهلها الي قلوبهم مكسوره على بنتهم .. و وصلت فيهم الوقاحه أنهم يتكلمون عنها قدامهم !! روان انظلمت كثير .. و حسبي الله و نعم الوكيل على من ظلمها .. طلع واحد بأحد القنوات الفضائيه .. بقول انه يعرف روان .. و أنها كانت منحاشه من بيت أهلها ( منحاشه = هربانه ) يا ويله .. تبلّى عليها .. الله يبلاه في نفسه و يقطع لسانه .. و يفضحه في الدنيا قبل الآخره .. و وحده تقول اننا نقول هالكلام عشان نغطّي ع الفضيحه !! أي فضيحه ؟! من متى صرنا نعرف الناس أكثر من أهلهم .. زادها الله جهل على جهلها و أخلفها جهنم بما قالت .. نسوا حرمة الميّت .. و نسوا أنهم شهداء الله في أرضه ... ع الأقل .. لو انت مقتنع أنها كانت على سوء .. امسك لسانك .. ( و هل يكبّ الناس على وجوههم الا حصائد ألسنتهم ) بعيد عن كلام أهلها .. و بعيد عن الي صار .. هذا كلامي أنا دانه .. يعني لو وحده بالكويت ماتت بحادث .. طلع عنها هالكلام ؟! لو بنتك انت يالي تكلمت .. بهالعطله سارفت و ساقت و ماتت .. بتقول انها علمانيه ؟! مجتمع راقي .. و أحسده على هالرقيّ .. ما تزيدون الا ........!! و الله اني قاعده أحاول قد ما أقدر يكون كلامي راقي .. و ما أتلفظ بألفاظ تسيء لأي أحد .. لكن ناس مثلهم يستاهلون الرقي و الاحترام ؟! و الله دنيا رديّه .. و ناس أردى .. بدل ما يعزّون أبوها .. تكلّموا عنه .. قالوا انه ديوث ..!! و والله ان ( ماجد ) أحسن منك مليون مره يالي ما تتورّع عن أعراض الناس .. حسبي الله و نعم الوكيل .. _________ هذا تعليق واحد بأحد المنتديات : الله يرحمها لكن كلام أبوها خرط فاضي قال ايه قال ماتعرف القيادة!!!!! لو الشرطة والاسعاف والناس لاقين معها أخوها كان قالوا !!! والا تبي تقول ان كل من باشر الحادث ماعندهم سالفة بس انت اللي عندك السالفة بنتك هي اللي تسوق وانت تدري بهذا الشيء ومادام انك مستحي من الناس ليش تعلمها السواقة بدليل انك تقول انها تدور بالبيت والاشياء البسيطة قال ايه قال ماتعرف تسوق؟؟ يافشيلك عند الله وخلقه !!!! كلامك خراط ومهايط وتقرير الشرطة والمستشفى اوضح من عين الشمس اللهم لاشماتة ______________ يا سبحان الله .. لا انت الي تعرف السالفه .. و انت الي ما تخربط .. و يا سخافة عقلك .. الله يقطع رزقك و يقطع لسانك و يفضحك في الدنيا و الآخره .. و يعلمك كيف تتكلم على أعراض الناس .. عساك تشوفها في نفسك يارب .. أنا ماني حقوده .. و ماني قاسيه .. لكن هم القاسين ..!! لو فكروا لحظه بس ان روان ممكن تكون بنتهم .. و الله ما تكلموا .. على فكره .. في السياره .. روان لقّنوها الشهاده .. و تشهّدت .. لكنها ما ماتت الا في المستشفى .. طيب ليه هذا الكلام ما نتشر ؟! و الا لأن فيه الخير ؟! للأسف .. ناس مريضه .. تدوّر الكلام السيئ عشان تتناقله .. و والله ما قهرني الا أهل الدين الي تكلموا فيها .. و الله ان الدين منهم براء .. هذا الي أخذوه من القرآن و من الدين ؟! اساءة ظن .. و غيبه .. اللهم اجعل دينهم حجة عليهم و افضحهم يارب .. بعد هالكلام هذا .. اذا انت ( حمار ) و ما زلت مقتنع بكلام الجرايد .. فما أقول غير .. ربي يعطيك العقل .. ربي من تكلم عن روان بسوء .. فارنا فيه قدرتك .. اقطع رزقه و خلفه و ذكره .. و احرقه في الدنيا و الآخره .. أختم بالدعاء لروان .. اللهم يا حنان يامنان يا واســـع الغفران أغفــر لها وارحمها وعافها واعف عنها واكرم نزلها ووسع مدخلها وأغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس. اللهم أسألك بكل اسم سميت به نفسك ، إن كانت مقصرة في عباداتها فأعفو عنها برحمتك وتجاوز عنها وتحمل عنها يا أرحم الراحمين فانك يارحمن فى غنى عن هذا العبادات ، ولكنها فى امس الحاجه لرحمتك وعفوك لأنها لا تجد من يرحمها غيرك يا الله اللهم : أبدلها دارا خيرا من دارها و أهلا خيرا من أهلها وزوجا خيرا من زوجها وولدا خيرا من ولدها وجارا خيرا من جارها ، وادخلها الجنة و أعذها من عذاب القبر وفتنته ومن عذاب النار اللهم : عاملها بما أنت أهله ولا تعاملها بما هي أهله. اللهم : اجزها عن الإحسان إحسانا وعن الإساءة عفوا وغفرانا. اللهم : إن كانت محسنة فزد في حسناتها وان كانت مسيئة فتجاوز عنها يارب العالمين اللهم : ادخلها الجنة من غير مناقشه حساب ولا سابقه عذاب للهم : انسها في وحدتها وانسها في وحشتها وانسها في غربتها . اللهم : أنزلها منزلا مباركا وأنت خير المنزلين .. لا تنسى أن من ذبّ عن عرض أخيه المسلم ذبّ الله عنه النار يوم القيامه .. انشرها .. لأنك حتى لو ماكنت تعرف روان .. فــ فيه الملايين من من يتكلم عنها و يسيء لها .. و لا تنسَ ان روان اختك المسلمه .. شهدت أن لا اله الا الله و ان محمد رسول الله ..! -------------------------------------------------------------------------------- بانتظار ردودكم تحياتي |
الله يرحمها روان
يسلموو خيو التميمي على التنبيه الله يكثر من امثالك يعطيك العافيه لاعدمنا جديدك |
في الحقيقة يا اخي انا اول مرة اسمع عن قصة البنت روان بس معروف علي الناس انهم دائمين التكلم عن غيرهم ويحبوا يذكروا عيوب غيرهم وينسون انفسهم وايضا يحبوا الافتراء والكذب والزيف وتلفيق التهم ليس باليد حيلة سوي طلب الرحمة والمغفرة للمرحومة روان والله هو المنتقم من الذين يقوموا بالاساءة للموتي ونسوا ( اذكروا محاسن موتاكم )
|
مشكور اخوي ع التوضيح والتنبيه
الله يرحمها ويحسن خاتمتها |
عزيزي : التميمي ____________ أشكرك لأنك نشرت ( نص ) رسالة : دانة ، أخت روان ، تغمدها الله بواسع رحمته ورضوانه 00 أن أولئك الذين يلوكون بالسنتهم سيرة ( روان ) ليس إلا شرذمة مريضة وتتهم الآخرين بما فيهم من علل وامراض 0 روان - رحمةالله عليها - لم ترتكب فاحشة او كبيرة ! حتى تكون ( مكسر العصى ) لكل من هب ودب 00 وهل مليار وربع المليار من المسلمين على خطاء !! وقلة قليلة على الصواب !! والرسول يقول : لا تجتمع أمتي على ضلالة 0 و نبي الله عيسى عليه السلام يقول : مَنْ مِنْكمْ بلا خطيئة فاليرجمها بحجر ! ولكنها الاهوى 00 وتصفية الحسابات بين شرذمة الادعياء بالوصاية !! وشرذمة الخروج عن الدين !! والضحية دوما السواد الاعظم من المسلمين ! وحسبنا الله ونعم الوكيل 00 على هؤلاء واولئك 0 وتقبل اخي التميمي فائق ودي واحترامي لشخصك العزيز 0 |
التميمي
يعطيك العافيه على الخبر والمعلومه |
اللهم يا حنان يامنان يا واســـع الغفران أغفــر لها وارحمها وعافها واعف عنها واكرم نزلها ووسع مدخلها وأغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس. اخوي التميمي يعطيك الف عافيه ومشكوررر اخوي ع التوضيح تحياتي لك |
اقتباس:
آآآمين ويرحم امواتنا واموات المسلمين حياك الله يالنزف الحنون انور الموضوع اقتباس:
الله يسلمك , ويكثر من امثالك بعد يالغلا _____ اقتباس:
جومانه اول شي حياك الله ونورتي الموضوع وابشري بالقصه المتناقله بين الناس ولا ادري صحيحه او لا :007: http://www.ksa18.com/uploads/536b37bf80.jpg تمسكو هذي البنت بتسحب جلنط:0005: <<< برىـآthumbdown ____ المهم القصه ومافيها انهم تناقلو بالجرايد وراديو mbc FM انه فيه بنت سارقه سيارة اخوها من نوع مكسيما <<< و الله من الزحـــف والمهم ان البنت هذي ماسكه طريق الملك عبدالله بمدينة الرياض بوقت متأخر وكانت مسرعه وطايره وصار لها حادث مع تقاطع الشيخ جابر وهذي القصه اقتباس:
اغلب الناس يحبون الغيبه الله يستر علينا وعلى بناتنا وذرياتنا تحياتي لكم |
اقتباس:
آآمين الله يرحمها ويسكنها فسيح جناته وبالنسبه للتوضيح انا و الله مدري الصحه بالجرايد ولا بالرساله اللي واصلتني بس لازم نحسن الظن تحيااااتي لك اخوي _________________________ اقتباس:
الشكر موصول لك اخوي جساار على ردودك الرائعه اقتباس:
صحيح جسار الناس على وقت الحادثه كان كلامهم في المجالس هي قصة روان وصحيح كلامك انها ماارتكبت فاحشه او كبيره من كبائر الذنوب حتى لو كان كلام الناس صحيح تعتبر مخالفه لنظام المرور اقتباس:
كلامك كااافي عن تعليقي عليه ماشالله عليك كفيت ووفيت تحيااااتي |
اقتباس:
عطري انفاااسك حياك الله انور الموضووع _____ اقتباس:
آآآمين يارب العالمين حيااك الله اختي حلا شرفتي ونورتي وابدعتي اقتباس:
الله يعااافيك انشاالله تحياتي لكم |
| الساعة الآن 02:06 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون