يبه... ملل الدنيا من غيرك
 

ألا يا ربنا العالي إلاهي طالبين رضاه
بديت و باسمك الطاهر ولا أبدأ بغير الله
نعيش الوقت وأيامه وكل نفس تذوق الموت
ولا دايم سوى ربي إلاه بالدعاء جيناه
غريب الدار يا آدم يجي ثم يرتحل ويروح
ولا يبقى من أمواله وقصوره فقط ذكراه
ملوك وأنبياء ماتوا وحنا مثلهم بنصير
أشوف آدم بكى خله وبكره صاحبه ينعاه
خلقه الله من الطينة وتاليها عليه الطين
دفن أحبابه بيدينه وهو يجهل متى دفناه
ركض في دنيته آدم ولا يعرف عن المحفور
ألا يالله ترحمنا وحنا في ظلال حماه
سعيد اللي مشى الدنيا ودايم سيرته بالطيبة
أنا ما أوفيه في حقه ولا يمكن ترى أنساه
أشوفه كنه اقبالي وأمد من الشعر فنجان
عصاته بيده اليمنى وأصيح من الحزن ويلاه
تهل دموع من عيني على اللي بالثرى مدفون
بعد فرض العصر صلوا عليه ويرحمه مولاه
غدا عن عيشته راحل وحنا في ظمى وأحزان
فقدته والعليم الله عساني بالعمر أفداه
فقده البيت والمسجد ومكة كلها تبكيه
وبيت الله وجيرانه وكل اللي سهر يرعاه
فديته لانه الطيب وله شيمه وله تقدير
كريم لا عطى يعطي سخية دايم يمناه
وله حكمه وله هيبة وله في داخلي منزال
حنون لا زعل أخطى حشى مابه أحد يسواه
وكل زاير لبيت الله نزل بيته وشاف الجود
تفضل واسترح ..كلمه سمعها كل من لقاه وجاه
أنا اشهد انه الوافي وأنا اشهد ماعليه قصور
وفي الرحمه ولا يقطع وهذا دايم مبداه
سلام الله يابو محمد على قبر حواك اليوم
عرفته من صغر عمري وهو دايم رفيع الجاه
تبسم.. والكفن جنبك تبسم ..يا وجه الخير
وذي نعمه من الخالق عسى الجنة بعد مثواه
ياربي اغفر ذنوبه وقرب عبدك المسكين
وتجمعنا وكل مسلم وسط جنه بعد وياه
وصلاة الله على الهادي محمد النبي المختار
وأنا إذا ضاقت الدنيا طلبته والرحيم الله
,,,,,,,,, أسأل العلي القدير أن يجمعني به وإياكم في جنات النعيم ,,,,,,,,,,,,,,,,

سلمتـــــــي ياقصيــــــــــده
في روعــــه هذه القصيــــده
اللتـــي تتجلــى بذكر الرحمـن
وتنطوي في البـــــــــــــــر
عسى ان يتغمد والدك وسيع جناته


تحياتي واشواقي
الأمير / سعود بن سعد
( الأميـّــز )

الشــلال / الأمير سعود / وحيد الدرب
أشكركـــم .......
وأعتذر عن قلة وجودي معكم
وأتمنى التــواصل منكم
ومني خــالص الصدق والإحساس لكم

يعطيك العافيه الله لا يحرمنا من جديدك

ننتظر جديدك بفارغ الصبر