منتدى دمعـــة ولـــه - .................الشمّريه ...............

بسم الله الرحمن الرحيم ..
السلام عليكم ورحمة الله وبركاته ..

.

.

.

.. أقبَلُوها كَمّا هِيَ ..

.

.

.

يامرحبا باللـي بهـا الفكـر يحتـار
في عينها بيت الشعر عـن قصيـده
وشلون عاد إللي بقـى كلهـا أفكـار
وأنا أشـوف الزيـن كلـه رصيـده
لو إني أكتب فيها ديوان(ن) أشعـار
بيخلص الديـوان وأرجـع وأعيـده
والله مـدري ياعذابـي وش أختـار
مافيـه كلمـه قلتهـا لـك جـديـده
بس إعذرينـي لا لفيتـك بالأعـذار
ياسيـد كـل الزيـن ياسيـد سيـده
مدري وش أكتب فيك والشاهد البـار
لكـن منـاي إنـك تكونـي سعيـده
ما ألومهم لو قاموا إصغـار وكبـار
لعيونـك إللـي مـن فقدهـم فقيـده
ثم إصفقوا كف(ن) على حامي الطار
وقاموا يجـرون اللحـون الرغيـده
من شاف وجهك تستحي منه الأنوار
من نوره إللـي جعـل ربـي يزيـده
ودي أنا أنشد عن مزايين الأزهـار
إللي غدت من بينهـن هـي وحيـده
هي الأميره والعمى بعيـن الأشـرار
شيهانـة ٍ والحـر الأشقـر تبيـده
من يدري عن هالوقت لو دار ماجار
ثـم ألتقانـي وحـط إيـدي بإيـده
أدري لو أن الحظ جابـه بالأسـرار
والله ماينطـق لسـانـي وريــده
لو إجمعتنا صدفة(ن) ضمن الأقـدار
أخاف أنا مـا أقـول جملـه مفيـده
مير أني بسكـت وآتأمـل بالأنظـار
يمكنهـا تقـرا بعيـنـي نشـيـده
دام القصايـد كلهـا منـك تغـتـار
وبيت القصيده يستحي من عضيـده
بنت الكرم نسل الأصايـل والأحـرار
أمعربـة خـال(ن) وأبوهـا وليـده
محبتـك تشهـد لهـا شبـة النـار
وكل الـدلال إللـي عليهـا شهيـده
عساه من جابك طويل(ن) بالأعمـار
دامك على دروب المراجـل طريـده
وش يذبح الرجال في بعض الأمـرار
وش غير بنت(ن) في المواقف شديده
تاطا على كل المصاعـب والأخطـار
لإجل إنهـا تاصـل علـى ماتريـده
ماني بناسيها ولـو صـار ماصـار
حتى ولـو كانـت ظروفـي عنيـده
إلها مكانه فـي ضميـري ومقـدار
وكل المزايـا الطيبـه إلهـا عديـده
دوك القصيده وأسمعي منها الأخبـار
ويالله عساها تكـون منـي زهيـده

.

.

.

بقلمي / جريح المها