منتدى دمعـــة ولـــه - @ الســــنافيــه @

اقتباس:

المشاركة الأصلية كتبت بواسطة وحيد الدرب

جمعت الشعر ,, كل الشعر ,, أبيه يوصّل الإحسـاس
لبنتٍ لو أبوصفهـا ,, أقصّـر ,, وأكتـم شعـوري
خذت أجمل وصوف الكون خذت من روعة الألماس
بها أطيب قلـوب الخلـق حـازت طيبـة الجـوري
أنا لو جيت أبكتبهـا قصيـدة ,, ينتشـي القرطـاس
مدام إن اسمها عنوان لأصـدق وأجمـل سطـوري
عظيمة في محبتها ,, كريمـة بنـت أصـل ونـاس
سلامـي يـا السنافيـة ,, لقلبـك والغـلا فـوري
أنــا دوري أدللها ولا اقـبـل اسمـهـا يـنـداس
ولا هو ذنبي إن البعـض مـات اليـوم مـن دوري
لو ضلوعي لها كلمـة تصـوّت لأقـرب الجـلاّس
لو إن الحكم في قلبي (( ديموقراطي )) و(( جمهوري ))
ولو إن اسمها بيغيـب فـي زفـرة مـن الأنفـاس
لأعارض كل أنفاسي وأقـوّم (( مجلـسٍ ثـوري ))
ولو نظمّت في قلبـي بطولـة دوري معـه الكـاس
هي اللي بس في قلبـي تحـوز الكـاس والـدوري
هي اللي ناسبت وضعي هي اللي تطابـق المقيـاس
سفينـة حبهـا أرسـت قواعدهـا علـى بحـوري
أشاور فكري ويسكـت وأخـاوي نبـرة الهوجـاس
وانا من قبل ما اعرفها ,, خيالـي يستمـع شـوري
وإذا ضاقت بـي الدنيـا وعانـى قلبـي الوسـواس
أنا في وجودها ما اطلع أبد في يـوم عـن طـوري
وإذا كان الخبر ينشر على لسان الوكالـه (( واس ))
تراني اغيب لا غابـت ومعهـا اسجـل حضـوري
قصيدي يوم يذكرها تعدّى شعـر (( أبـو نـواس ))
ويكفيني مـن العالـم تجـي هـي بـس جمهـوري
لها كـل العـرب تنشـد قصيـدٍ مرهـف حسّـاس
كتب فيها (( نزار )) الشعر بالفصحـى وبالسـوري
يجي فيها الطرب نغمة ,, يحرّك راعـي النومـاس
بها لو كنت انا بحلف تغنّـى (( وائـل كفـوري ))
محد عنـدي يساويهـا وأعلـن غيرهـا الإفـلاس
هي العملة من (( اليورو )) تساوي عملة الكوري؟!!
وإذا كان (( البدر )) يرفض مسافة وسور مع حراس
كذا وشلون أنا برفـض وهـي حرّاسـي وسـوري
مثل ما للعواذل ساس ترى لأغلـى الحبايـب سـاس
وأنا محبوبتي سـاس الغـرام اللـي بعـث نـوري
بقول لعاذلي (( آسف )) هي اللي ساكنـه هالـراس
وإذا يبغاه (( بالغربي )) بقول لعاذلي (( سـوري ))
كتبت الشعر ,, بعض الشعر ابيّه يوصل الاحسـاس
ولكن الشعـر قصّـر ,, وليتـه وصـل شعـوري

أخوكــم

وحيــ الدرب ــــد

ماروعها من قصيـــــــــده
انها تستحق القرائه مره ومراات

ابدعت وابدع قلمك
ومدمت سالماّ

صح لسانك
وسلمت اناملـــك

تقبل خالص تقديري

اخـــــــــوك
الأمير / سعود بن سعد
( الأميـّـز )