منتدى دمعـــة ولـــه - زعيم القصيد !!

جديد الشاعر الغائب الحاضر / محمد بن دغش / قصيدة يوجهها للشاعر الأمير خالد بن سعود الكبير الذي رفض بتواضعه الجم في قصيدة سابقة له لقب ( تاج الأدب) ورغم ذلك يصر محبوه ومنهم بن دغش أن الشاعر الأمير خالد هو أهل لكل ما يطلق عليه من ألقاب تليق بشاعريته وما عرف عنه من نبل وخلق رفيع .

الشعْر مثل البحَر لا هاجت امواجه
وين انت يا اللي تعَقد الحبل وتحلـّه
كم شاعرٍ جاك بالقيفان منعاجه
ويقول أنا غازي الشعّار باحتلـّه
من يدخل الباب قبل يشوف مخراجه
هذاك قبل يْحَبل للناس يُحْبَل له
الشعْر دونه رجَال ٍ تحْكم سْياجه
يا اللي تقول انـْك رَبّ الشعْر لا بالله
ما كل من طبّ سوقه دَلّ منهاجه
إلا "اخو شقران" يُعطى صافي الدلـّه
تراه دكتوره اللي يعْرف علاجه
يدلّ درب ٍ كثير الناس ما دلـّه
خالد ولا غير خالد حامل ٍ تاجه
إسمه زعيم القصيد ومبْري العلـّه
لا دق هاجوس فكره شيّد ابراجه
شعْره يخلي عروق الكبد مبتلـّه
طلـْق الحجاجَين دايم يضحَك حْجاجه
ويشيل حِمْل ٍ رديّ الخال ما شلـّه
يا امير ما قلتها لك مقصدي حاجه
والاّ انت ذخر ٍ لنا لا لحْقنا خِلـّه
غيثٍ يخلي فياض الصلـْب سرْهاجه
ما يشكي الضيم من خالد رفيق ٍ له
واقبل تحيات راعِي الشعْر .. وانتاجه
تهدى لشرواك وانت الهُدْو كفوٍ له