منتدى دمعـــة ولـــه - أبعــــــــــــــــــــــــد

السلام عليكم ورحمة الله وبركاته

تحيه طيبه وبعد

هذي اول مشاركه لي بالمنتدى واتمنى من الله التوفيق و تنال اعجابكم

أبعــــــــــــــــــــــــد

أبعد وهاك أجـروح قلبـي بيمنـاك .. خذها مع الذكـرى وأدقّ التفاصيـل
قلّـب مواجـع ذكرياتـي وتـفـداك .. مواقف ٍ تذكـرك وتذّكـر اللـيـل

يـااول مواعيـد اللقـاء ماجفينـاك .. لاشك مات الوصل وأبكى المواصيل
شحـت مواصيـل الغـرام وتمنـاك .. قلب ٍ شرب من شح وصلك بهاذيل

أبعد بمان الله عسى يحفـظ أخطـاك .. وأترك مشاريـه الزمـن للرجاجيـل
لاتنتظـر قلب ٍ سمـح بيترجـاك .. والا بيرجي رجعتـك فـي المقابيـل

اللي خذيته من محمـد تـرى جـاك .. عطية ٍ ماارجي وراها محاصيـل
اللي عطيتك فـوق قـدرك وكفّـاك .. مـدة كريـم مارجـى مـدة بخيـل

مديتلك يمنـاي وأصخيـت يسـراك .. وأعطيتك الوآفي ولا أوفيتلـي كيـل
عطيتك أخلاص الوفاء قلتلـك هـاك .. ومااخذت منك الا الجفاء والغرابيـل

وفيت وأعطيتك ودورتنـا رضـاك .. ونزهتنا حبك عـن العـدل والميـل
واليوم لاصار الوفاء تحت ماطـاك .. رح ياجعل دربك سهـود وتساهيـل

رح ياجعل ربي مع البعـد يرعـاك .. لكن ؟؟قبل تروح هـاك المراسيـل!!
هـذي مراسيلـك وهـذي هدايـاك .. أبيـك تاخذهـا ولافـيـه تأجـيـل

أبغى أفراقك وأبتعـد كانـه أمـداك .. خلاص أبي الفرقـا ولافيـه تبديـل
خـل الفـراق يلـوح منـا ومنـاك .. أبغى وداع ٍغير عن كـل ماقيـل

أبغى الحزن يفرح ليا حـل طريـاك .. ويعم جـوه ليـن تشفـى المغاليـل
عشان تعرف قيمة الجـرح يمنـاك .. وتعذر أجروحي لاشكت منك الويـل

وأنا علي أنـي ليـا قلـت أبنسـاك .. أقسم بربي ماأذكـرك فـي المقابيـل
لأني عرفت أقصاك قبل أعرف أدناك .. ولاني بعمـري ماتبعـت المهابيـل

وتقبلو تحياتي

حززين الحرف